Germanıada ótip jatqan fýtboldan Eýropa chempıonatynda pleı-offqa shyqqan alǵashqy komanda belgili. Alań ıeleri keshegi oıynda Vengrıany 2:0 esebimen utyp, dodanyń kelesi satysyna joldama aldy, dep habarlaıdy almaty-akshamy.kz.
«V» tobynda jaǵdaı shıelenisti. Ázirge Ispanıa men Italıada úsh upaıdan bolsa, Horvatıa men Albanıada bir-bir upaı. Óıtkeni Horvatıa quramasy Albanıamen teń oınady. Esep 2:2. Lýka Modrıch bastaǵan jigitter úshinshi týrda Italıa quramasymen kezdesedi. «A» tobyndaǵy Shotlandıa men Shveısarıanyń kezdesýi de teń eseppen aıaqtaldy. Shotlandıa quramasynyń kóshbasshysy Skot Maktomıneı machtyń 13-shi mınýtynda jyldam gol soǵyp, komandasyn esepte alǵa shyǵardy. Al oıynnyń 26-shy mınýtynda Shotlandıa qorǵaýshylarynyń qateligin Djerdan Shakırı utymdy paıdalanyp, tarazy basyn teńestirdi. Demek, tórt quramanyń da pleı-off kezeńine ótýge ázirge múmkindigi bar.
Iosıf Nıtrıtıch, Horvatıa jankúıeri:
95-shi mınýtta gol kirgizip alǵanymyz ókinishti. Endi kelesi kezeńge ótýimiz eki talaı-aý. Sebebi ol úshin Italıa quramasyn jeńý kerek. Bizdiń fýtbolshylar úshin óte qıyn synaq bolǵaly tur.