Ispanıa astanasynda Eýropa chempıonatynyń jeńimpazdaryna arnalǵan aýqymdy konsert ótti. Oǵan myńdaǵan adam qatysty, dep habarlaıdy almaty-akshamy.kz.
Eýropa chempıonatyn tórtinshi ret utqan Ispanıa quramasy eline oraldy. Sodan keıin EÝRO-2024-tiń jeńimpazdary tóbesi ashyq avtobýspen Madrıdtiń kóshelerimen júrip ótti. Olarǵa qoshemet kórsetken jurtta qısap joq. Keıinnen fýtbolshylar koróldik astanasynyń qaq júregindegi jeńis konsertine qatysty. El týyndaı qyzyl-sary kıgen halyq, teńizdeı tolqyǵan Sıbeles alańy. Ótken túni búkil Ispanıa shattandy, án shyrqady, bı bıledi.
Osy ult úshin, Ispanıa úshin osyndaı bolyp qala bereıikshi. Biz qazirgideı birtutas bolsaq, kúshtirekpiz. Jasasyn Ispanıa! - dedi Ispanıa quramasynyń bas jattyqtyrýshysyLýıs De La Fýente Kastılo.
Ispanıa jeksenbide Anglıany 2-1 esebimen jeńdi. Oǵan Mıkel Oıarzabal men Nıko Ýılámstyń arqasynda qol jetti. Konsertte osy eki oıynshyǵa qurmet erekshe kórsetildi. Eýropa týrnıriniń eń jas fýtbolshysy atanǵan Iamalǵa da qoshemet óte zor. 17 jastaǵy Iamal machta júrip mektep bitirdi.
Taǵy bir aıta ketetin jaıt, oıynshylar chempıondyq kýbokty týra Berlındegileı Sıbeleste de basyna kóterdi.
Bizdiń jaqsy komanda ekenimizdi joqqa shyǵarýǵa bolmaıdy. Jeti kezdesýden – jeti jeńis. Laıyqtymyz árıne, - dedi fýtbol jankúıeri Mıgel Vızkaıno.
Osylaısha jergilikti turǵyndardyń keıbiri qurama músheleriniń alýandyǵyna rıza. Birqatar sarapshylardyń oıynsha mundaı adamdardyń kóptigi tarıhy aımaqtyq jáne ultaralyq shıeleniske toly eldiń birligin kúsheıtýge úlken úles qosa alady.