Fýtboldan Eýropa chempıonatynyń fınalyna shyqqan ekinshi qurama anyqtaldy. Anglıa jartylaı fınalda Nıderland quramasyn utyp, ekinshi joldamany ıelendi, dep habarlaıdy almaty-akshamy.kz.
Dortmýndta ótken oıynda aǵylshyndar kambek jasady. Birinshi bolyp 7-mınýtta Havı Sımons esep ashty. Onyń alystan tepken dobyn Pıkford qaıtaryp úlgermedi.
Araǵa 10 mınýt salyp, Anglıa quramasy penaltı tebý múmkindigine ıe boldy. Komanda kapıtany Harrı Keın 11 metrlik soqqyny sátti oryndap, esepti teńestirdi.
Aǵylshyndar jeńis golyn oıynnyń aıaqtalýyna 1 mınýt qalǵanda soqty. Ekinshi taımda Keınniń ornyna alańǵa shyqqan Ollı Ýotkıns gol soǵyp, komandasyn fınalǵa alyp shyqty.
Anglıa ulttyq quramasy ekinshi Eýropa chempıonaty qatarynan fınalǵa shyǵyp otyr. Sheshýshi oıynda Ispanıa quramasymen kezdesedi.