Sonymen qatar et óndirisi bir jylda 6%-ǵa artqan.
Qazan aıynda ettiń baǵasy 2020 jylǵy qazanmen salystyrǵanda 10,7%-ǵa ósti, - dep habarlaıdy Almaty-akshamy.kz Energyprom.kz saıtyna silteme jasap.
Bul bıylǵy jylǵy ósý qarqynynyń eń joǵary kórsetkishi.
Óńirlik úles turǵysynda bir jylda ettiń baǵasy Qostanaı oblysynda 4,1%-ǵa, Túrkistan oblysynda 18,4%-ǵa ósti. Sondaı-aq Mańǵystaý oblysynda (16,6%-ǵa) jáne Shymkentte (16,4%-ǵa) aıtarlyqtaı ósim baıqaldy.
Qatty qymbattaǵan qoı eti men qus eti bolyp tur– 15,7%-ǵa ósken. Jylqy eti – 11,2%-ǵa, shoshqa eti – 8,7%-ǵa, sıyr eti – 8,6%-ǵa qymbattady.
Qazan aıynda Qazaqstan Respýblıkasynyń qalalarynda jylqy etiniń eń qymbat baǵasy – ortasha eseppen kelisine 2557 teńge boldy. Qoı eti (kg 2399 teńge) jáne sıyr eti (kg 2234 teńge) keledi. Qazaqstan Respýblıkasy qalalarynda shoshqa etiniń bólshek saýdadaǵy baǵasy ortasha eseppen kelisine 1808 teńgeni, taýyq etiniń kelisine 1047 teńgeni qurady.
Osy kezeńde et pen qus eti, sondaı-aq olardan alynatyn tamaq ónimderiniń óndirisi bir jylda 6,4 paıyzǵa ósip, bıylǵy jyldyń qańtar-qyrkúıek aılarynda 250,7 myń tonnaǵa jetti. Onyń 194,8 myń tonnasy qus eti, 55,9 myń tonnasy iri qara, usaq mal, shoshqa, jylqy etteri boldy.
Úı qusynyń etin óndirýdiń 79%-y tek úsh oblystyń úlesine tıedi: Almaty (66,6 myń tonna), Aqmola (56 myń tonna) jáne Shyǵys Qazaqstan (31,3 myń tonna) oblystary. Óndirilgen ettiń jartysynan astamy da tek úsh oblystyń úlesine tıdi: Aqtóbe (14 myń tonna), Qostanaı (7,4 myń tonna) jáne Pavlodar (6,9 myń tonna) oblystary.
