Dıetolog avokado, shokolad jáne kók shaıdy este saqtaý qabiletin jaqsartatynyn aıtty
Birqatar azyq-túlik ónimderin tamaqtaný rasıonyna engizý arqyly este saqtaý qabiletin jaqsartýǵa bolady. Bul týraly dáriger-dıetolog Aleksandra Razarenova málimdedi, dep habarlaıdy Almaty-akshamy.kz tilshisi Lenta.ru-ǵa silteme jasap.
Este saqtaý úshin eń paıdaly bes taǵamnyń biri, ol paıdaly maılarǵa, kalııge, talshyqtarǵa jáne antıoksıdanttarǵa baı avokadony atady. Pantoten qyshqyly uzaq merzimdi este saqtaý qabiletine jaqsy áser etedi, ol aǵzada jetkiliksiz bolǵanda, adam sharshaıdy. Degenmen, artyq salmaǵy bar adamdar avokadony kóp paıdalanbaý kerek, sebebi onyń kalorıasy óte joǵary.
Rozmarın (gúlsheten) kognıtıvti fýnksıa men konsentrasıaǵa paıdaly, deıdiń maman. Onyń quramynda oılaý prosesterine qajetti asetılholın bar. Záıtún maıyn únemi tutyný este saqtaýdy nyǵaıtýǵa jáne aǵzadaǵy toksınderdi beıtaraptandyrýǵa kómektesedi. Sonymen birge, ony Alsgeımer aýrýyna qarsy tıimdi profılaktıka retinde taǵaıyndaıdy.
EGCG antıoksıdanty jasyl shaıda kezdesedi: ol este saqtaý qabiletine oń áser etedi. Ony degenerasıalyq buzylýlardan aýlaq bolǵysy keletinder úshin ishý qajet. Sýsyndaǵy L-teanın oqý qabiletin jáne jalpy jumys isteý qabiletin arttyrady.
Quramynda kakao kóp bolatyn shokoladta mıdy ottegimen qamtamasyz etetin organıkalyq zattar bar. Ásirese, qara shokoladtyń paıdasy kóp, ol uıqyshyldyqty jeńýge kómektesedi jáne jalpy tonýsty jaqsartady.
Buǵan deıin amerıkalyq psıhıatr Ýma Naıdý da mı jasýshalarynyń saý bolýy úshin qara shokolad jeýge keńes bergen bolatyn.