Almatydaǵy koreı teatry 90 jyldyq mereıtoıyn atap ótýde
Memlekettik respýblıkalyq akademıalyq koreı teatry 90 jyl buryn esigin aıqara ashty. Osy ýaqyt ishinde birneshe júzdegen spektáklder qoıyldy. Kópshiligi Qazaqstan teatr óneriniń altyn qoryna endi. Almaty qalasynyń Óńirlik komýnıkasıalar qyzmetinde ótken brıfıńte teatr súıer qaýym týǵan kúnin qalaı toılaıtyny týraly aıtty, dep habarlaıdy Almaty-akshamy.kz.
Almatydaǵy koreı teatrynyń tarıhy baı. Bul Koreı túbeginen tys jerde jumys isteıtin jalǵyz memlekettik koreı teatry ǵana emes, sonymen qatar álemdegi eń alǵashqy memlekettik ulttyq koreı teatry.
Koreı teatrynyń dırektory Elena Kım quttyqtaý sóz sóıledi. Ol koreı teatrynyń ónerpazdar men teatr qaıratkerleriniń altynshy býyny jumys isteıtin biregeı shyǵarmashylyq organızm ekenin atap ótti.
«Bizdiń teatr – etnomádenı qubylys. Bizdiń qoıylymdar memleketimizdiń etnomádenı saıasatynyń kórinisinen basqa eshteńe emes. Bárimiz bir eldiń adamdarymyz, bárimizdiń taǵdyrymyz ortaq. Sondyqtan da qazaq teatr álemi ártúrli tilde sóıleıdi, koreı teatry – mádenıet salasyndaǵy dana, salıqaly saıasattyń naqty, kózge kórinetin nátıjesiniń biri», – deıdi E.Kım.
İs-sharaǵa qurmetti qonaq, QR eńbek sińirgen qaıratkeri, kórkemdik jetekshisi Lúbov Nı qatysty, ol 90 jyl boıy berekeli Qazaqstan jerinde ómir súrip, damyp kele jatqan koreı teatrynyń mereıtoıyna kóńil bólgeni úshin ÓKQ-ǵa alǵys bildirdi.
"Koreı teatrynyń tarıhı tamyry etnıkalyq Otannan tys jerde saqtala otyryp, mádenıettiń qalaı damı alatyndyǵyn kórsetedi. Bizdiń elimizdiń kópultty palıtrasy Qazaqstannyń shýaǵymen jylytylady, sonyń arqasynda bizdiń koreı teatry da damyp keledi", - dedi L.Nı.
Spıker koreı teatrynyń tarıhyna da keńinen toqtaldy. Teatr tek qýanyshty ǵana emes, basynan qaıǵyny da ótkerdi. Ol 1932 jyly Vladıvostok qalasynda quryldy. Keıin qaıǵyly oqıǵalardyń saldarynan Qazaqstanǵa kóshirildi. Dál bizdiń elde ol qarqyndy damı bastady.
«Memlekettik qoldaýdyń arqasynda biz birtindep damyp kelemiz. Alǵashynda oblystyq masshtabta bolǵan, keıin 1964 jyly respýblıkalyq teatr mártebesi berildi. 2017 jyly Qazaqstan Úkimeti bizdiń teatrdyń jalpyqazaq mádenıetin damytýǵa qosqan úlesin atap ótip, teatrǵa akademıalyq mártebe berildi», - dedi Lúbov Nı.
Osylaısha kórkemónerpazdar úıirmesinen 90 jyl ishinde teatr damýdyń bıik shyńyna shyqty. Jýrnalıserdiń suraqtaryna jaýap bergen Lúbov Nı teatrdyń bolashaqqa úlken josparlary bar ekenin basa aıtty. Onyń aıtýynsha, teatr ujymy kórermenderdi óz shyǵarmashylyǵymen áli talaı tań qaldyrady.
Baspasóz máslıhatyna halyqaralyq jáne respýblıkalyq festıválderdiń laýreaty, «New Voice» shyǵarmashylyq damytý ortalyǵynyń dırektory, ártis Roman Kım qatysty. Onyń aıtýynsha, olar álemdi jıi aralaıdy.
«Teatr tarıhı otanyna birneshe ret qoıylymdarmen, konserttermen baryp, kórermendi qazaq etnosymen tanystyrdy. Bizdi tamasha qarsy aldy, koreılik kórermenderdiń qoshemeti qýanyshqa bóleıdi», - dep bólisti R.Kım.
Aıtpaqshy, teatr jyl saıyn Ońtústik Koreıaǵa sapar shegedi. Koreı teatrynda barlyq janrlar shoǵyrlanǵan, tek dramalyq baǵytta ǵana emes, vokaldyq trýppa bar, balet bar. Shetelde (Ulybrıtanıada, Germanıada) almatylyq ártisterdi jyly qarsy alady.
Qonaqtardyń taǵy bir spıkeri, bas horeograf Anna Soı ártisterdiń zamanaýı plasıkany paıdalana otyryp, vızýaldy dramatýrgıany jetkizý úshin deneni qalaı qoldanatynyn aıtty.
«Biz deneniń plasıkasy arqyly beıne men minezdi berýge tyrysamyz. Biz shekaralarǵa, tildik kedergilerge qaramastan, aýdıtorıamen sóılese alamyz. Qazirgi plasık kópshilikke túsinikti», - dep qosty A.Soı.
Sóz sońynda kórkemdik jetekshisi Lúbov Nı koreı teatrynyń mısıasy Soltústik jáne Ońtústik Koreıa mádenıetinen erekshelenetin Qazaqstan koreıleriniń mádenıetin saqtaý ekenin aıtty. Teatr – Qazaqstan Respýblıkasy koreıleriniń birlesken ortalyǵy.