Elde ınternet alaıaqtyǵy boıynsha qylmys deregi kúrt ósken.
2018 jyly 4 myń qylmys tirkelse, bıyldyń 9 aıynda 15 myńǵa deıin jetip otyr. Bul týraly Ortalyq komýnıkasıalar qyzmetinde ótken brıfıńte İshki ister mınıstri Marat Ahmetjanov aıtty. Saldarynan jyl saıyn 10 mıllıard teńge zalal keledi, dep habarlaıdy Almaty-akshamy.kz.
Bul azdaı quqyq buzýshylyqtar sany byltyrmen salystyrǵanda 2%-ǵa ósken. Jyl bastalǵaly 122 myńǵa jýyq qylmystyq quqyq buzýshylyq tirkelipti. Sondaı-aq ótken 9 aıdyń ishinde 6 mıllıon ákimshilik quqyqbuzýshylyq anyqtalǵan. Onyń 4,8 mln-nan astamy – jol erejesin buzý. Onyń ishinde 17,5 myń júrgizýshi kólikti mas kúıinde tizgindegen. Jalpy 20 myń júrgizýshi basqarý quqyǵynan aıyrylsa, 16 myń adam ákimshilik qamaýǵa alynǵan. Budan bólek, astyrtyn jumys istep kelgen eki maınıng fermasy anyqtaldy.
«Almaty oblysynda eki maınıng fermasyn qurǵan, buryn sotty bolǵan qylmyskerler toby áshkerelendi. Jalpy 20 adam ustaldy. Quny 7 mıllıon AQSH dollaryn quraıtyn jabdyqtar, qarý-jaraqtar tárkilendi. Olardyń aı saıynǵy zańsyz tabysy – 500 myń dollar», - deıdi QR İshki ister mınıstri Marat Ahmetjanov.