Almatydaǵy jastar ókilderi turǵyndar arasynda qalalyq ınfraqurylym men ekologıalyq mádenıetke uqypty qaraýdy qalyptastyrýǵa baǵyttalǵan jalpyqalalyq naýqandy iske asyrýǵa kreatıvti kózqaraspen qarady. «Almaty-bizdiń ortaq úıimiz» naýqany jáne «Taza Qazaqstan» respýblıkalyq aksıasy aıasynda kommúnıtı-ortalyqtarda «Áleýmettik sheberhana», «EkoSort: birge Taza qala úshin», «batareıany tapsyr – jer densaýlyǵyn saqta», «Ómir aǵashy: óz aǵashyńdy otyrǵyz» jastar aksıalary, «Akvarıým» formatyndaǵy kezdesýler ótkizildi, «Taza oıyndar», «Murany saqtaý: eskertkishterdi tazalaý», «Meıirimge toly aýla», «1 qaptama plasık = 1 kılogramm alma», «Jaqsylyq aýlalary: ardagerler men muqtajdarǵa kómek» jáne t.b.
Eriktiler men jastar uıymdarynyń ókilderi 103 myń adamdy qamtıtyn 75 is-shara ótkizdi. Barlyǵy stýdent jastardyń kúshimen (Ál- Farabı atyndaǵy QazUÝ, ETÝ, Abylaıhan atyndaǵy KazÝMOıMÁ, Abaı atyndaǵy QazUPÝ. Abaı, L. B. Goncharov atyndaǵy QazADI, QBTÝ, AGEÝ, ATÝ, S. D. Asfendıarov atyndaǵyQazUMÝ) 19 myń sharshy metr aýmaq abattandyryldy jáne tazartyldy.
Naýqandy jáne sporttyq júgirý qaýymdastyǵyn qoldady. Baým toǵaıynda 500 – den astam adamnyń qatysýymen qoqys jınaýmen biriktirilgen ploggıng jarysy ótti. Shyǵarmashylyq toptar men mádenıet qaıratkerleri naýqanǵa birqatar shyǵarmashylyq jobalarmen úles qosty.
«Qoqystan jasalǵan úzdik óner nysany» baıqaýyna 30-dan astam ótinim kelip tústi. Júlde qory demeýshilik qarajat esebinen uıymdastyrylyp, shamamen 2 mln teńgeni qurady. Jeńimpazdardyń jumystary kreatıvti ekohabta jáne qaýymdastyq ortalyqtarynda kórsetiledi.
«Almaty – bizdiń ortaq úıimiz» jalpyqalalyq naýqany «Mýsorgı» fleshmobymen aıaqtaldy. Almatylyq sýretshiler toby jasaǵan jáne tabıǵattyń lastanýyna beısanalyq kózqarastyń saldaryn beıneleıtin qoqystan jasalǵan kostúmdi keıipkerler Panfılov kóshesimen Arbatqa deıin júrip ótti.
Esterińizge sala keteıik, Memleket basshysynyń tapsyrmasy boıynsha eldi mekenderdiń aýmaqtaryn abattandyrý jáne kógaldandyrý týraly «Taza Qazaqstan» aksıasy aıasynda Almaty qalasy ákimdigi 2024 jylǵy 8 sáýir men 8 mamyr aralyǵynda «Almaty — bizdiń ortaq úıimiz» naýqanyn iske asyrdy. Mamyr aıynyń resmı aıaqtalýyna qaramastan, naýqan qala turǵyndary úshin kúndelikti ómirdiń bir bóligi jáne jalǵasy, barlyq is-sharalar uzaq merzimdi bolyp tabylady.