Almaty ákimdigi turǵyn úılerdiń aýlalarynan iri kólemdi qoqysty qaıda shyǵarý kerektigin túsindirdi
Almatyda «Taza Qazaqstan» respýblıkalyq baǵdarlamasy aıasynda keıbir jerlerde iri kólemdi qoqystardy durys tastamaýǵa baılanysty abattandyrý erejelereje,erin buzýshylardy anyqtaý boıynsha jumystar júrip jatyr, dep habarlaıdy aqshamnews.kz
Qaldyqtardy durys paıdalanbaý qoǵamdyq aýmaqtardy lastaıdy, qoqys shyǵaratyn kompanıalardyń jumysyn qıyndatady jáne aýlalardyń sanıtarlyq jaǵdaıyn buzady. Qoqys tasıtyn kólikter úlken kólemdi qaldyqtar men qurylys qoqystaryn shyǵara almaıdy, sebebi bul olardyń presteý jabdyqtaryn zaqymdaýy múmkin.
Almaty qalasyn abattandyrý qaǵıdalaryna sáıkes kásiporyndar, mekemeler men jeke tulǵalar iri kólemdi qoqysty óz betinshe áketýge nemese qoqys shyǵaratyn uıymdarmen tasymaldaý týraly shart jasasýǵa tıis. Jóndeýdi júzege asyratyn nemese iri gabarıtti qaldyqtardy jınaǵan turǵyndar qoqysty aqyǵa shyǵarý úshin mamandandyrylǵan uıymdarǵa júginýge ne ony Almaty oblysynyń İle aýdanynda ornalasqan polıgondarǵa óz betinshe jetkizýge tıis (Almaty - Óskemen tas joly, 34/1 https://go.2gis.com/5wg4xn) jáne Qarasaı (s. Aıteı, 144-shi esep toqsany, 4690 https://2gis.kz/almaty/geo/70000001051600536).
2024-2025 jyldary sanıtarlyq jaǵdaıdy jaqsartý úshin Almaty qalasynda 786 eskisin aýystyrý jáne 2000-nan astam jańa tereńdetilgen konteınerlerdi ornatý josparlanýda. Bul konteınerler qoqys jáshikteri alyp jatqan aýmaqtardy qysqartady, jaǵymsyz ıisterdiń taralýyn boldyrmaıdy jáne janýarlardyń qoqysqa qol jetkizýin shekteıdi.
Esterińizge sala keteıik, QR «Ákimshilik quqyq buzýshylyq týraly» Kodeksiniń 505-babyna sáıkes abattandyrý erejelerin buzǵandar úshiný 20-dan 100 AEK-ke deıingi mólsherde aıyppul salynady.