2024 jyldyń tamyz aıynda Qazaqstanda 10,7 myń elektrlik jeńil avtokólik tirkeldi, bul ótken jyldyń sol aıymen salystyrǵanda 2,3 esege kóp, dep habarlaıdy aqshamnews.kz.
Bul kórsetkish elimizdegi elektromobılderge degen suranystyń qarqyndy ósip jatqanyn kórsetedi.
Óńirler boıynsha qarasaq, eń kóp tirkelgen elektromobılder Almaty qalasyna tıesili eken. Munda 6,3 myń kólik tirkelipti. Bul 2023 jyldyń tamyzymen salystyrǵanda 2,3 esege kóp. Ekinshi orynda Astana qalasy, munda 1,4 myń kólik tirkelgen. Al úshinshi orynda Almaty oblysy, onda 552 elektrokólik tirkelgen. Eń az kórsetkish Abaı oblysynda tirkeldi, munda barlyǵy 25 elektromobıl tirkelgen.
Aıta ketetin jaıt, elde dıplomatıalyq nómirleri bar 125 elektrlik jeńil avtokólik tirkeldi. Bul ótken jylmen salystyrǵanda 4,6 ese kóp, bul dıplomatıalyq ókildikterde de ekologıalyq taza kólikterge suranystyń artqanyn kórsetedi.