Qazaqstanda eski gaz balondaryn jańalaryna aýystyrý úshin qosymsha aıyrbastaý pýnkteri ashylmaq. Bul týraly Tótenshe jaǵdaılar mınıstrliginiń Ónerkásiptik qaýipsizdik komıtetiniń tóraǵasynyń mindetin atqarýshy Rashıd Dýbaev málimdedi, dep habarlaıdy aqshamnews.kz..
Onyń aıtýynsha, kásipkerlermen eski balondardy aýystyrý prosesin jeńildetý jáne olardyń qaýipsizdigin arttyrý úshin qosymsha aıyrbastaý pýnkterin ashý máselesi talqylanýda.
Dýbaev keltirgen statısıkaǵa sáıkes, 2018-2022 jyldar aralyǵynda Qazaqstanda gaz balondarynyń jarylýy men gaz qospasynyń tutanýynyń 346 jaǵdaıy tirkelgen. Bul oqıǵalar saldarynan 522 adam zardap shegip, 97 adam qaıtys bolǵan. Al 2023 jyly mundaı jaǵdaılardyń sany 128-ge jetip, 167 adam jaraqat alyp, 21 adam qaıtys bolǵan.
"Jarylys kóbine qys mezgilinde bolady. Negizgi sebep — gaz balondaryn durys paıdalaný. Ekinshi sebep — kóptegen gaz balondary ózderiniń qyzmet etý merzimin ótken. Olardyń aýystyrylýy tıis ekenin eskeretin arnaıy talaptar bar. Qazirgi ýaqytta osy másele boıynsha jumys júrgizilýde. Jergilikti óndirýshiler tabylyp, jańa balondar shyǵarýǵa daıyn", — dedi Dýbaev.
Sonymen qatar, gaz balondarynyń aınalymy sıfrlandyrý arqyly baqylaýda bolatyndyǵyn aıtty. Bul qadam qaýipsizdikti arttyrýǵa qosymsha kepildikter beredi.