Anel Sartaeva jol qozǵalysy erejelerin buzdy dep aıyptalyp otyr, dep habarlaıdy aqshamnews.kz.
Esterińizde bolsa, oqıǵa jazda Seıfýllın jáne Maqataev kósheleriniń qıylysynda boldy. Jol kólik oqıǵalary saldarynan bir jolaýshy qaıtys bolyp, 20-dan astam adam zardap shekti.
Sottaǵy sońǵy sózinde Sartaeva ózin bas bostandyǵynan aıyrmaýdy surady. Óıtkeni, ol toǵyz aılyq qyzyn tárbıelep otyr. Sondaı-aq, ol jol-kólik oqıǵasyna tolyq kináli ekenin moıyndap, shyn júrekten ókinetinin jetkizdi.
Almatylyq áıel óziniń otbasy zardap shekkenderge keltirilgen zıandy erikti túrde ótep, olardan keshirim suraǵanyn jetkizdi.
«Qaıtys bolǵan adamnyń otbasyna kóńil aıtyp, keshirim suraǵym keledi. Sizderdiń adamgershilikterińizge, ustanymdaryńyz ben keshirimderińizge rızamyn. Sottan meni qatty jazalamaýdy suraǵandaryńyz úshin alǵys bildiremin!», -dedi.
Sondaı-aq, ol qoǵamǵa eshqandaı qaýip tóndirmeıtinin jáne árdaıym zańdy qurmettegenin aıtty.
«Bul jol kólik oqıǵasy meniń abaısyzdyǵymnan boldy. Sottan úkim shyǵarar kezde istiń jeńildetetin jaǵdaılaryn eskerýdi suraımyn», – dedi aıyptalýshy.
Úkim erteń, 29 qarasha kúni saǵat 11:00-de jarıalanady.