Almatyda bir top qalta urysy ustaldy, – dep habarlaıdy aqshamnews.kz.
Qalalyq krımınaldyq polısıanyń aıtýynsha, qylmystyq úshtik tek qoǵamdyq kólikte urlyq jasap júrgen. Toptyń quramynda basqalardyń kúdigin týdyrmaıtyn áıel de bar.
– Bul úshtiktiń bir ereksheligi bar – olardyń barlyǵy buryn múliktik qylmys jasaǵany úshin sottalǵan. Kúdiktiler ustaldy jáne qamaýǵa alyndy. Áıel 45 jasta, onyń “áriptesteri” 25 jáne 36 jasta. Sotqa deıingi tergeýdiń osy kezeńinde kúdiktiler qoǵamdyq kólikte 4 telefon urlaǵany úshin qamaldy. Aıǵaqty zattar tárkilendi. Tergeý sharalary júrgizilýde, – dedi Almaty qalalyq polısıa departamenti bastyǵynyń birinshi orynbasary Qýatbek Naýatov.