Qazir oqýshylar arasynda da esirtki qoldanýshylar anyqtalyp jatyr.
Qazaqstandyqtardy esirtki táýeldiligine tekserý usynyldy, dep habarlaıdy Almaty-akshamy.kz
Mınıstrdiń aıtýynsha, azamattar memlekettik qyzmetke turǵanda, áskerge shaqyrylǵanda jáne júrgizýshi kýáligin alǵanda skrınıngten ótýi múmkin.
Qazaqstanda nashaqorlyqpen kúresý úshin azamattardy esirtki táýeldiligine tekserý usynyldy. Bul týraly İshki ister mınıstri Marat Ahmetjanov málimdedi, dep habarlaıdy Sputnik Qazaqstan tilshisi.
Onyń aıtýynsha, qazirgi ýaqytta esirtki qoldaný faktileri tipti oqýshylar arasynda anyqtalyp jatyr.
"Sondyqtan bolashaqta skrınıng ótkizý júıesin engizýdi josparlap otyrmyz. Bul – qoǵamnyń nashaqorlyq deńgeıin obektıvti túrde baǵalaýǵa jáne esirtkige táýeldi adamdy, ásirese, jasóspirimder arasynda erte bastan anyqtaýǵa múmkindik beredi", - dedi Ahmetjanov úkimet otyrysynda.
Kýlýarda jýrnalıser mınıstrden skrınıng júıesi qalaı jumys isteıtinin surady.
"Biz "profosmotr" kezinde bıomaterıal skrınıngin ótkizýdi usynyp otyrmyz. Bul - Densaýlyq saqtaý mınıstrliginiń usynysy, biraq biz ony qoldaımyz. Joǵary oqý oryndaryna, memlekettik qyzmetke qabyldanǵanda, áskerge shaqyrǵanda, júrgizýshi kýáligin alǵanda bıomaterıaldar zertteledi", - dedi Ahmetjanov.
Aıtýynsha, búginde sıntetıkalyq esirtki keń taralǵan jáne qoljetimdi. Bir dozasy 10 myń teńge turady. Internetpen de jetkizip beretinder kóp.
"Ǵylymı saraptama esirtkige táýeldilik erte anyqtalsa, 95%-y qalypty ómirge orala alatynyn kórsetti. Al eger úshinshi kezeńde anyqtalsa, nashaqorlardyń tek 15%-y ǵana esirtkiden bas tartady", - deıdi İİM basshysy.