Aldaǵy Májilis jáne máslıhat saılaýynda Astana men Almaty saılaýshylaryna tórt túrli búleten beriledi.
Al, qalǵan aımaqtarda beseý bolady. Óıtkeni, keıbir óńirlerde qalalyq jáne aýdandyq máslıhattar saılaýy bolady. Bul týraly «Adal saılaý úshin» qoǵamdyq shtabynyń ókilderi aıtty, dep habarlaıdy Almaty-akshamy.kz Qazaqstan.tv-ǵa silteme jasap.
Saılaýshylar qatelik jasamas úshin, búletender ártúrli túste bolady. Sondaı-aq, búletenderdiń kóptigine baılanysty birneshe daýys berý jáshigi de qoıylýy múmkin. Odan bólek, bir mandatty okrýgtik úmitkerlerdi tańdaýǵa baılanysty esepten shyǵarý qaǵazdarynyń birneshe túri beriledi.
«Óıtkeni, biz bilemiz, bir mandatty okrýg bir oblyspen teń bolýy múmkin. Sol oblystyń ishinde júretin bolsa, onda bir okrýgtiń ishinde júr dep esepteledi. Eger ol múlde basqa óńirge baramyn dese, Parlament Májilisine partıalyq tizim boıynsha daýys bere alatyn múmkindigi bolady», - dedi «Adal saılaý úshin» qoǵamdyq shtabynyń múshesi Dýman Jampeıisov.