200-ge jýyq kásipker jaýapqa tartyldy
Qazaqstanda polısıa 3,5 myń tonna nasybaı tárkiledi. Bul týraly İİM resmı ókili Shyńǵys Alekeshev aıtty, dep habarlaıdy almaty-akshamy.kz.
Ol Naýryz meıramy qarsańynda jáne aıaqtalǵannan keıin «Quqyqtyq tártip» is-sharasy aıasynda temeki ónimderin zańsyz taratý faktisin anyqtaý úshin reıdter júrgizilgenin jetkizdi.
Nátıjesinde jekelegen qoǵamdyq oryndarda temeki ónimderin tutynýdyń 1,5 myń faktisi toqtatyldy. Kámeletke tolmaǵandarǵa temeki ónimderin satýdyń 174 faktisi anyqtaldy. 21 jasqa tolmaǵan adamdarǵa temeki ónimderin satqan 186 kásipker jaýapqa tartyldy, - dedi Shyńǵys Alekeshev İİM-de ótken onlaın brıfıńte.
Sondaı-aq shegilmeıtin temeki ónimderin (nasybaı, snús) satý men taratýdyń 1,5 myńnan asa faktisi tirkelgen.
Shegilmeıtin temeki ónimderin óndirgen jasyryn 2 seh anyqtaldy. Shamamen 3,5 tonna nasybaı tárkilendi. Mysaly, Aqtóbe qalasynda úılerdiń birinde nasybaı óndirilgen. Ol jerden jalpy salmaǵy 500 keli bolatyn 5 qap shegilmeıtin temeki ónimi tárkilendi, - dedi resmı ókil.