Internet-alaıaqtyq pen esirtki saýdasynan túsken kiristerdi jylystatýǵa arnalǵan 130 alań joıyldy, dep habarlaıdy aqshamnews.kz
Tergep-tekserý nátıjesinde 16,7 mln USDT-ke tyıym salyndy.
«Esirtki dúkenderiniń» ıeleri men kıberqylmyskerler aqshany bank shottaryna, ne krıptovalúta túrinde aıyrbastaý qyzmetin kórsetetin ámıandarǵa aýdarady. Odan ári bul qarajat konvertasıalanyp, qarjylyq tranzaksıalar tizbegi arqyly aqshanyń shyqqan kózi jasyrylady. Zańsyz tabysty «tazartý» úshin arnaıy aqy alynady. Mundaı operasıalar úshin kóbine dropperlerdiń bank kartalary men ámıandary paıdalanylady.
Qarjy monıtorıńi agenttigi aıyrbas qyzmetterin tek resmı tirkelgen jáne lısenzıalanǵan provaıderler arqyly júzege asyrýdy usynady.