Almatynyń ındýstrıalyq aımaǵynda bólmearalyq esik óndiretin ónerkásiptik keshenniń qurylysy bastalady, dep habarlaıdy aqshamnews.kz
Zaýytty iske qosý 2026 jyldyń tamyzyna josparlanǵan.
Kásiporyn 0,84 gektar aýmaqta ornalasady. Munda jalpy aýdany 2,4 myń sharshy metrden asatyn óndiristik sehtar, daıyn jáne shıkizat qoımalary, ákimshilik ǵımarat jáne ınfraqurylym nysandary salynady.
Zaýyt iske qosylǵan soń naryqta suranysqa ıe 120 myń esikke deıin ónim shyǵara alady. Olardyń qatarynda sargaly, boıalǵan, sondaı-aq zamanaýı qaptamalary bar úlgiler – lamınat, PVH, shpon, emal jáne vandalǵa tózimdi plenkalar bolady.
Óndiris úderisteri Eýropanyń «jasyl» standarttaryna (EU Green Standards) saı uıymdastyrylady. Shyǵarylatyn ónim quramynda kanserogendik zattar joq ekologıalyq materıaldardan jasalady. Esik mektepterde, balabaqshalarda jáne medısınalyq mekemelerde ornatýǵa jaramdy, tolyqtaı qaýipsiz.
Daıyn ónim ishki naryqty qamtamasyz etýge jáne Ortalyq Azıa men Shyǵys Eýropa elderine eksporttaýǵa baǵyttalǵan.
Joba aıasynda keminde 25 jańa jumys orny ashylady. Qala búdjetine túsetin salyq túsimderi bes jyl ishinde 70 mln teńgeden aspaq.
Jobany «Le porte M» JSHS júzege asyrady. Qarjy jaǵyn «Almaty Finance» JSHS – «Almaty» áleýmettik-kásipkerlik korporasıasynyń enshiles uıymy qamtamasyz etedi. 280 mln teńge mólsherindegi qarjy 7 jyl merzimge jyldyq 6% mólsherlememen berilgen. Negizgi kepilger – «Absolút Flor» JSHS, ol «Le porte M» kompanıasynyń seriktesi ári ónim dıstrıbútory. Eldiń 16 oblysy men qalalaryndaǵy iri qurylys kompanıalarymen jumys isteıdi.
«Joba jergilikti óndiristi damytýǵa jáne esik ónimderiniń sapasyn arttyrýǵa baǵyttalǵan. Sonymen qatar zaýyt jańa jumys oryndaryn ashyp, Almatynyń ónerkásiptik ınfraqurylymynyń damýyna serpin beredi», – dedi «Almaty Finance» basqarma tóraǵasy Berik Qusaıynov.