Sybaılas jemqorlyqqa qarsy is-qımyl agenttigi Almaty oblysy Esik qalasynyń ákimin qamaýǵa aldy.
Ustalǵan sheneýnik para aldy degen kúdikke ilindi, dep habarlaıdy Almaty-akshamy.kz Egemen.kz-ke silteme jasap.
Agenttiktiń baspasóz qyzmeti málimdegendeı, kúdikke ilingen ákim qarjylyq qylmys jasaǵanyn moıyndady.
«Ol qalanyń oıyn alańyn abattandyrý jónindegi jumystardy memlekettik satyp alý sharty boıynsha búdjet qarajatyn kedergisiz tólegeni úshin jeke kompanıa ókilinen iri mólsherde para aldy degen kúdikke ilindi. Kúdikti kináni tolyǵymen moıyndady», - delingen resmı aqparatta.
Vedomstvo ókilderi sotqa deıingi tergeý jumystary júrgizilip jatqanyn qosa habarlady. Qylmystyq-prosestik kodeksiniń 201-babyna sáıkes ózge aqparat jarıa etýge jatpaıdy.