Densaýlyq saqtaý mınıstrligi jedel járdem qyzmetindegi ózgerister týraly taǵy da túsinikteme berdi.
Densaýlyq saqtaý mınıstrliginiń resmı ókili Aıgerim Ýrazalıeva málimdegendeı, barlyq naýqastar burynǵydaı tolyq kólemde medısınalyq kómek alady, dep habarlaıdy aqshamnews.kz
«Búgin keıbir BAQ-ta jedel medısınalyq kómek kórsetý erejelerine ózgerister engizý týraly buıryq jobasynyń mazmunyn qate túsindirý jarıalandy. Osyǵan baılanysty naqtylaımyz: 103 nómirine qońyraý shalǵan barlyq naýqastar shaqyrý kategorıasyna qaramastan, tolyq kólemde medısınalyq kómek alady», — dedi ol.
Mınıstrliktiń aıtýynsha, jedeldikti jaqsartý maqsatynda, IV kategorıadaǵy shaqyrýlardy jumys ýaqytynda alǵashqy medısınalyq-sanıtarlyq kómek kórsetetin mobıldi brıgadalarǵa tapsyrady.
Keshki, túngi jáne demalys kúnderinde barlyq shaqyrý kategorıalary boıynsha jedel járdem brıgadalary qyzmet kórsetedi.
«Osylaısha, azamattar úshin eshteńe ózgermeıdi, eshqandaı shaqyrý nazardan tys qalmaıdy, al jedeldik pen pasıentterge kórsetiletin qyzmet sapasy jaqsarady», — dep qosty Aıgerim Ýrazalıeva.