Almaty qalasynda 25 qyrkúıek túninen bastap 27 qyrkúıek túske deıin jańbyr jaýyp, nóserge ulasyp, jel kúsheıýi múmkin.
Aýa raıynyń qolaısyzdyǵyna baılanysty Komýnaldyq ınfraqurylymdy damytý basqarmasy turǵyndardyń qaýipsizdigi men yńǵaıly turmysyn qamtamasyz etý úshin qabyldanǵan sharalar týraly málimdeıdi.
Sý tasqynynyń aldyn alý úshin ońtústikten soltústikke qaraı ornalasqan merıdıandyq aryq jelileri kúndizgi ýaqytta kezdeısoq qoqystardan tazartyldy. Bul jumysqa 82 arnaıy tehnıka men 310 jumysshy jumyldyryldy.
Problemaly aımaqtarda sý tasqynynyń aldyn alý jáne ony joıý maqsatynda motopompalarmen, bagrlermen jáne basqa da arnaıy quraldarmen jabdyqtalǵan 46 mobıldi jedel brıgada kezekshilik etedi. Sondaı-aq 2,6 myń qap qum daıyndaldy.
25-inen 26-syna qaraǵan túni 311 arnaıy tehnıka, 28 motopompa jáne 340 jumysshy jumyldyryldy. Tańerteńnen bastap 457 arnaıy tehnıka, 28 motopompa jáne 754 jumysshy iske qosylady dep josparlanýda.
Aýa raıynyń qolaısyzdyǵyna baılanysty qala turǵyndary men qonaqtaryna taýǵa barmaýǵa keńes beriledi. Júrgizýshilerge aǵashtardyń qulaý qaýpi men elektr jelileriniń úzilýine baılanysty kólikterin jol jıegine qoımaýdy usynady.
Qala turǵyndarynan aryqtar men nóser kanaldaryn qoqyspen bitemeı, olardyń durys jumys isteýin qamtamasyz etý suralady. Quqyq buzǵandar QR ÁQBtK-niń 505-baby boıynsha "qalalar men eldi mekenderdiń aýmaqtaryn abattandyrý qaǵıdalaryn buzý" boıynsha ákimshilik jaýapkershilikke tartylady.
Komýnaldyq ınfraqurylymdy damytý basqarmasy