Qarttar aılyǵy sheńberinde Almaty qalasynyń Belsendi uzaq ómir súrý ortalyǵy zeınetkerlerge, ıaǵnı ortalyq qyzmet alýshylaryna arnap birqatar iri is-sharalar uıymdastyrady:
-
1 qazan kúni saǵat 11:00-de Tuńǵysh Prezıdent saıabaǵynyń aldynda Qarttar aılyǵynyń ashylýy jáne 300-den astam adamnyń qatysýymen skandınavıalyq serýendeý festıvali ótedi. Baǵdarlamada jappaı fleshmob, komandalardyń skandınavıalyq serýendeý boıynsha kórsetilimderi, shyǵarmashylyq nómirler josparlanǵan. Almatynyń ártúrli aýdandarynan, sonyń ishinde Alataý, Bostandyq, Áýezov, Jetisý, Naýryzbaı jáne basqa da komandalar qatysady.
-
1-4 qazan aralyǵynda Almaty qalasynyń tarıhı mýzeıinde zeınetkerlerdiń shyǵarmashylyq jumystarynyń kórmesi ótedi. Onda 20-dan astam qyzmet alýshynyń 90 týyndysy usynylady.
-
4 qazan kúni saǵat 11:00-de Avat aýylynda «Egin merekesi» atty kóshpeli is-shara ótedi. Oǵan 150-200 adam qatysyp, zeınetkerler konserti, «Agrokraýdsorsıng» belsendileriniń eńbekterin marapattaý rásimi, sondaı-aq «Tabıǵat syıy» kórmesi uıymdastyrylady.
-
10 qazan saǵat 14:00-de «Asyl qazynam» uzaq ómir súrý festıvali ótedi. İs-sharada shyǵarmashylyq qoıylymdar, fleshmobtar, defıle, dombyra orkestrleri men sporttyq kórsetilimder jáne zeınetkerlerdiń shyǵarmashylyq kórmesi josparlanǵan. Oǵan 500 kórermen men 150 qatysýshy jınalady.
-
18 qazanda saǵat 11:00-de Atakentte zeınetkerlerdiń qolóner buıymdarynyń kórme-jármeńkesi ótedi.
-
30 qazan saǵat 14:00-de Qarttar aılyǵynyń jabylýyna oraı «Meniń jyldarym – meniń baılyǵym» atty uzaq ómir súrý baly ótedi. Onda zeınetkerlerdiń bı ujymdarynyń ónerleri, «Asyl áje» keshki kıimder men ulttyq kostúmder sherýi ótedi. Balǵa 200-250 adam qatysady. İs-shara ál-Farabı atyndaǵy QazUÝ-de ótedi.
Sonymen qatar, Halyqaralyq qarttar kúni aıasynda Almatyda qarttarmen kezdesýler, ekskýrsıalar, teatrlar men mýzeılerge tegin barý, akterler men shyǵarmashylyq ujymdardyń óner kórsetýi uıymdastyrylady. Sondaı-aq, zeınetkerlerge zańgerlik keńester, qarjylyq saýattylyq boıynsha semınarlar ótkizilip, «60+ kásibı baǵdar» atty eńbek naryǵy jáne jumysqa ornalasý múmkindikteri jaıly aqparat beriledi.
Esterińizge sala keteıik, Almaty qalasynyń Belsendi uzaq ómir súrý ortalyǵy qart adamdardyń densaýlyǵyn qoldaý, qolaıly orta qurý jáne aǵa býyn ókilderiniń ómir súrý sapasyn arttyrý baǵytynda jumys isteıdi.
2024 jylǵy 1 qyrkúıektegi málimet boıynsha ortalyqta 4899 zeınetker tirkelgen, olarǵa 179 988 qyzmet kórsetilgen. Ortalyqtyń bas keńsesi Almaty qalasy, Máýlenov kóshesi, 46a mekenjaıynda ornalasqan.