Ertis ormany» rezervatyndaǵy órtke baılanysty Pavlodar oblysyndaǵy 3 aýyldyq okrýg aýmaǵynda tótenshe jaǵdaı jarıalanady, dep habarlaıdy Almaty-akshamy.kz QazAqparatqa silteme jasap.
«Pavlodar oblysy Sharbaqty aýdanynyń Aleksandrovka aýyldyq okrýgi, Galkıno aýyldyq okrýgi jáne Shaldaı aýyldyq okrýgi aýmaqtarynda jergilikti aýqymdaǵy tabıǵı sıpattaǵy tótenshe jaǵdaı jarıalansyn. Ony joıýǵa baǵyttalǵan is-sharalardy ótkizý úshin ózimdi basshysy etip taǵaıyndaımyn. Osy sheshim alǵashqy resmı jarıalanǵan kúninen bastap qoldanysqa engiziledi jáne 15 shildeden bastap týyndaǵan quqyqtyq qatynastarǵa qoldanylady», - delingen Ashyq NQA portalynda jarıalanǵan Sharbaqty aýdanynyń ákimi Ázilhan Ábeýovtiń sheshiminde.
Aıta keteıik, 15 shilde kúni «Ertis ormany» rezervatynda órt shyqqan edi.
Keıin oqıǵa ornyna Tótenshe jaǵdaılar mınıstri Syrym Sháriphanov baryp, jaǵdaıdy óz baqylaýyna aldy.