Almaty qalasynyń bilim basqarmasy balalardyń jazǵy demalysynyń sáıkes kelmeıtin jaǵdaılary týraly túsinikteme berdi.
Qyzmet kórsetýshige, «BelRıchı» JSHS kompanıasyna qatysty jaýapsyz jetkizýshi dep taný jáne memlekettik satyp alýǵa qatysýǵa odan ári tyıym salý týraly talap-aryz daıyndalýda, dep habarlaıdy Almaty-akshamy.kz.
Basqarmada qyzmet kórsetýshiniń memlekettik satyp alýdy ótkizýdiń barlyq erejelerine tolyq sáıkes kelgen jaǵdaıda anyqtalǵany túsindirildi.
Máselen, 13 shildede «Arman dala» saıajaı lagerinde balalar demalysyn uıymdastyrý týraly shart jasaldy, 15 shildede bilim basqarmasynyń qyzmetkerlerimen birge demalýshylardyń alǵashqy legi keldi. Tıisti talaptardyń buzylý faktileri anyqtalǵan kezde balalardy úılerine aparý prosesi shuǵyl túrde bastaldy. Qazirgi ýaqytta lagerde balalar joq. Jaqyn arada olar mektep oqýshylary demalǵan kezde erejeler qatań saqtalatyn lagerlerge jiberiletin bolady.
Qyzmet kórsetýshimen aǵymdaǵy shart buzylady, sondaı-aq osy kompanıanyń basqa memlekettik satyp alýǵa qatysýyna jol bermeý úshin josyqsyz ónim berýshi dep taný týraly talap aryz beriledi. Bilim basqarmasynyń jaýapty qyzmetkerine qatań sógis jarıalandy.
Qazirgi ýaqytta bilim basqarmasy qoǵamdyq keńespen birlesip jumys tobyn qurdy, onyń quramyna ata-analar qoǵamdastyǵynyń, qalalyq prokýratýranyń jáne barlyq múddeli organdardyń ókilderi kirdi. Jumys toby aıasynda barlyq qala syrtyndaǵy lagerler tekseriledi. Jumys toby qala mańyndaǵy lagerlerge júrgizilgen monıtorıń nátıjeleri týraly únemi esep beredi.
Buǵan deıin balalaryn lagerge jibergen almatylyq ata-analar oqýshylardyń qandaı orynǵa jaıǵastyrylǵanyn kórip, jaǵa ustaǵanyn habarlaǵan bolatynbyz. Sebebi Almatyda balalardyń jazǵy lageri saýna aýmaǵynda ornalasqan bolyp shyqty.