Baǵdarlama 8 jylǵa arnalǵan.
Mamyr aıynda demalys kúnderi kóp bolatyndyqtan, Otbasy banki ótinim qabyldaýdy bes kún buryn bastaý týraly sheshim qabyldap otyr, dep habarlaıdy Almaty-akshamy.kz
Myna jaǵdaılarǵa mán berińiz:
- Otbasy bankinde depozıt bolý kerek, joq bolsa – ashyńyz. Sebebi, bul baǵdarlamanyń ereksheligi sol – depozıt merzimi eskerilmeıdi, ıaǵnı, mańyzdy emes.
- Jınaq shotyńyzda keminde 1 mln teńge jatýy kerek. Bul somany ótinish berer aldynda da shotqa aýdara salýǵa bolady.
- Sońǵy 5 jyl ishinde baǵdarlamaǵa qatysýshynyń jáne onyń otbasy músheleriniń menshiginde úı bolmaýy kerek.
Otbasy múshelerine: kúıeýi, áıeli jáne olardyń kámeletke tolmaǵan balalary jatady. Eger qatysýshy nekede bolmasa, onda atynda úıdiń bar-joǵy tek óz basyna tekseriledi. Baǵdarlamaǵa qatysýshynyń ata-anasynan ol aqparat tekserilmeıdi.
- Sońǵy 6 aıda resmı tabysyń bolýy kerek.
25 sáýirde ótinimdi otbasybank.kz portalynda tapsyrasyz. Qabyldaý merzimi eki aı, ıaǵnı 30 maýsymǵa deıin (qosa alǵanda) jalǵasady.
Baǵdarlamanyń sharttary:
alǵashqy jarna – 20%-dan bastalady;
turǵyn úı kezeginde turǵan azamattardyń áleýmettik osal sanattary úshin kredıt stavkasy – 7% (JTSM 7,3%-dan 8,9%-ǵa deıin);
azamattardyń barlyq sanaty úshin kredıt stavkasy – 9% (JTSM 9,3%-dan 11,8%-ǵa deıin);
nesıe merzimi – 19 jylǵa deıin.
Baǵdarlama 8 jylǵa arnalǵan. Osy ýaqyt aralyǵynda elimizdiń 68 000 azamatyn baspanamen qamtamasyz etý josparlanǵan. Bıylǵy meje boıynsha, 12 myń qazaqstandyq úıli bolýy kerek.