Osy jyldyń basynan beri 5 918 azamatqa zıandy eńbek jaǵdaılarynda uzaq ýaqyt jumys istegen adamdar úshin arnaýly áleýmettik tólem taǵaıyndaldy. Qabyldaýǵa barlyǵy 6 648 adam ótinish bildirgen.
Arnaýly áleýmettik tólemge 2 kózden (respýblıkalyq búdjet jáne Biryńǵaı jınaqtaýshy zeınetaqy qory) 2 612 adam júgindi, onyń ishinde 2 517 adamǵa taǵaıyndaldy, dep habarlaıdy Almaty-akshamy.kz cala mınıstrligine silteme jasap.
AÁT 4 kózden (respýblıkalyq búdjet, Biryńǵaı jınaqtaýshy zeınetaqy qory, jumys berýshi jáne ómirdi saqtandyrý uıymy) taǵaıyndaýǵa 4 036 adam ótinish bildirgen, onyń ishinde 3 401 adamǵa taǵaıyndalǵan.
Sondaı-aq, 447 azamat saqtandyrý kompanıasymen zeınetkerlik anýıtet shartynyń jasalýyn kútýde, 90 azamat SMS habarlamaǵa jaýap bermegen. Mindetti sharttardy oryndamaǵandyqtan, 193 ótinish berýshi AÁT taǵaıyndaýdan bas tartyldy.
Aımaqtar boıynsha 2 kózden arnaýly áleýmettik tólemderdi alýǵa ótinish bildirgenderdiń eń kóp sany Qaraǵandy (2 kózden – 462 adam, 4 kózden – 798 adam), Qostanaı (2 kózden – 304 adam, 4 kózden – 659 adam) jáne Shyǵys Qazaqstan (2 kózden – 235 adam, 4 kózden – 574 adam) oblystarynda tirkelgen.
Buryn habarlanǵandaı, 2024 jyldyń 1 qańtarynan bastap Qazaqstanda zıandy eńbek jaǵdaılarynda uzaq ýaqyt jumys istegen adamdarǵa arnaýly áleýmettik tólem engizildi.
Arnaýly áleýmettik tólem taǵaıyndaý úshin 55 jasqa tolý jáne Biryńǵaı jınaqtaýshy zeınetaqy qorynda (budan ári – BJZQ) keminde 7 jyl kásiptik zeınetaqy aýdarymdarynyń bolýy mindetti sharttar bolyp tabylady. Tólem zeınetkerlik jasqa deıin tólenedi. Arnaýly áleýmettik tólemderdi alý úshin eńbek jaǵdaılary zıandy jumystarmen aınalyspaýǵa tıis. Jumyskerler jeńil jumysqa aýysa alady, sodan keıin olar jalaqy men tólem alady nemese demalysqa shyǵyp, zeınetke shyqqanǵa deıin arnaýly áleýmettik tólemder alady.
BJZQ derekteri boıynsha arnaýly áleýmettik tólemdi taǵaıyndaý úshin mindetti sharttardy eskere otyryp, oǵan 2024 jyly 37 myńnan astam jumysker úmitker bola alady, jalpy tólemniń ortasha mólsheri 208 myń teńgeden asady. Árbir jumysker úshin tólem mólsheri BJZQ-daǵy jınaqtarǵa baılanysty bolady.