Qazaqstan Respýblıkasy Bilim jáne ǵylym mınıstriniń 2014 jylǵy 26 jeltoqsandaǵy №544 buıryǵyn júzege asyrý maqsatynda Almatyda «Orta bilim beretin úzdik uıym» grantyn taǵaıyndaý konkýrsy bastaldy.
Aýdandyq jáne qalalyq kezeńderden turatyn bul konkýrs 2024 jylǵy 31 mamyrǵa deıin ótedi, dep habarlaıdy Almaty-akshamy.kz.
Konkýrstyń maqsaty – tıimdi pedagogıkalyq jáne basqarýshylyq tájirıbeni jınaqtaý jáne taratý, QR-da orta bilim berý júıesiniń damý tendensıalaryn anyqtaý, mektep pedagogteri men basshylarynyń kásibı jáne jeke ósýin yntalandyrý.
Qazaqstandyq bilim berýdiń básekege qabilettiligin qamtamasyz etý jáne joǵary reıtıńtik kórsetkishterge qol jetkizý úshin konkýrsqa qatysýshylardy irikteýdi Almaty qalasy ákiminiń ókimimen bekitilgen konkýrstyq komısıa júzege asyrady.
Konkýrs qorytyndysy el pedagogteriniń merekesi Muǵalimder kúni saltanatynda habarlanady. Konkýrs grantynyń mólsheri - 68 mln teńge.