TURAQTY JOL ekologıalyq naýqany Almaty jastaryn biriktirýde.
17 maýsymda saǵat 10:00-de Maıak (áýejaı kólderi) shaǵyn aýdanynda TURAQTY JOL (Turaqty jol) ulttyq áleýmettik ekonaýqany aıasynda jahandyq senbilik ótedi, dep habarlaıdy Almaty-akshamy.kz
Júzdegen beı-jaı qaramaıtyn jastar ókilderin jumyldyratyn is-shara jas urpaqtyń boıynda ekomádenıetti damytý arqyly týǵan ólkeni taza etý jáne qorshaǵan ortaǵa paıda ákelýdi maqsat etedi.
Jahandyq senbilik – belsendi jastardy tabıǵatty qorǵaýǵa óz úlesterin qosa alatyn ekonaýqandy iske asyrýdaǵy mańyzdy kezeń bolyp tabylady. Bul óz kezeginde joba mańyzdylyǵyn jáne onyń qorshaǵan ortaǵa tıgizetin paıdasyn kórsetedi. Uıymdastyrýshylar alqasy Almaty qalasynyń barlyq beı-jaı qaramaıtyn turǵyndaryn osy ıgi bastamaǵa qosylýǵa jáne tabıǵatty qorǵaý men ornyqty damý úshin jahandyq qozǵalystyń belsendi qatysýshysy bolýǵa shaqyrady.
"TURAQTY JOL" jobasy ekologıalyq taza orta qurýǵa jáne ony bolashaq urpaq úshin saqtaýǵa baǵyttalǵan yntymaqtastyqty qalyptastyrýǵa, sanaly tutynýǵa negizdeledi. Naýqan nátıjesinde jınalǵan qoqys qaıta óńdeý úshin qazaqstandyq kompanıalarǵa jiberiletin bolady.
Jahandyq senbilikti Almaty qalasy boıynsha İsker áıelder qaýymdastyǵymen birlesip, Almaty qalasy Túrksib aýdany ákimdigi jáne Almaty qalasy boıynsha Ekologıa departamenti, sondaı-aq "EDUStream" bilim berý ortalyǵy, SBE company (Smart Business Events) Ivent-agenttigi jáne "Keremet Sý SKE" kompanıasynyń qoldaýymen Qazaqstandyq Ulttyq IýNESKO klýbtary Federasıasy uıymdastyrýda. Jobanyń bas seriktesi – Bank SentrKredıt.
Qazaqstannyń taza, jasyl jáne turaqty damýy úshin atsalysaıyq!
Naýqan ótetin oryn: Avıator kóshesi, 1
https://2gis.kz/almaty/geo/9430047375124273
Qosymsha aqparat jáne BAQ akredıtteý úshin kelesi baılanystar boıynsha habarlasýǵa bolady:Shınar Mýhanova, +7 701 555 5302 (WhatsApp), sg.kazfuca@gmail.com