Almaty ákimdigi bilim berý, densaýlyq saqtaý jáne sport shyǵyndary týraly 2022 jylǵa esep berdi, dep habarlaıdy almaty-akshamy.kz
2022 jyly Almatyda mektepterde 18 myńnan astam jáne balabaqshalarda 7 myńnan astam oryn paıda boldy, bul týraly máslıhattyń VI sesıasynda ekonomıka basqarmasynyń basshysy Dastan Ómirbaev habarlady. Jańa bilim berý mekemeleriniń ashylýy oqýshy oryndarynyń tapshylyǵyn 36%-ǵa qysqartýǵa múmkindik berdi.
Áleýmettik ornyqtylyq pen turaqtylyq – megapolısti damytýdyń basym baǵytynyń biri. Densaýlyq saqtaý salasynda aýrýhanalar men emhanalardy zamanaýı medısınalyq jabdyqtarmen jaraqtandyrý máselelerine erekshe nazar aýdarylady. 2022 jyly osy maqsattarǵa 15,3 mlrd teńge jumsaldy, 7 nysan boıynsha jobalyq qujattama ázirlendi. 3,5 myńnan astam maman bilimin jetildirý úshin biliktilikti arttyrý kýrstarynan ótti.
Mádenıet salasynda 700-den astam is-shara ótkizildi. Olarǵa 1 mıllıonǵa jýyq adam qatysty. 2022 jyly 56 myńnan astam bala tegin shyǵarmashylyq jáne sporttyq úıirmelermen qamtyldy.
Buǵan qosa, Almatyda Jetisý aýdanynyń «Kemel», «Qulager» jáne «Aınabulaq-2» sh/a 3 dene shynyqtyrý-saýyqtyrý kesheniniń qurylysy aıaqtalyp, paıdalanýǵa berildi.