Almaty qalasynyń tótenshe jaǵdaılar departamenti 18 aqpanda qalada jaýyn-shashyn mol túsetinin eskertti. Qalada qar aralas jańbyr jaýyp, tuman túsedi, kóktaıǵaq bolady, dep habarlaıdy Almaty-akshamy.kz.
Osyǵan oraı tótenshelikter kólik ıeleri men jaıaý júrginshilerdi kóktaıǵaq kezinde jolda asa muqıat bolýǵa shaqyrdy.
Kóktaıǵaq kezinde myna erejelerdi qaperde ustaý qajet:
- esińizde bolsyn, qar men kóktaıǵaq kezinde kólik júrgizý kúrt nasharlaıdy jáne júrgizýshi kólik tizginine ıe bola almaı, saldarynan jaıaý júrginshilerdi qaǵyp ketýi múmkin;
- joldan óterde erejede belgilengen jerden ótý kerek;
- joldan ótken kezde, basqa isterge (uıaly telefonmen sóılesý jáne t. b.) alańdamańyz;
- aıaq kıimdi durys tańdaýǵa nazar aýdarý kerek. Aıaq kıim budyrly órnegi bar taıǵanamaıtyn materıaldan jasalǵan tegis tabandy bolýy tıis;
- qolyńyzdy qaltaǵa salyp júrseńiz, muzda tepe-teńdikti joǵaltýyńyz múmkin ekenin qaperde ustańyz;
- esińizde bolsyn, trotýarlar, kólik aıaldamalary, dúkenderge kire beristegi baspaldaqtar, tipti úıdiń kireberisi adamdar jıi qulap, jaraqat alatyn jerler bolyp sanalady.