Bıyl Almaty qalasy boıynsha 27588 oqýshy 9 synypty bitiredi.
2024 jyldyń 23 aqpan kúni Almaty qalasy Bilim basqarmasynyń uıymdastyrýymen «Almaty mektebi» jobasy aıasynda 9 synyp oqýshylaryna arnalǵan «Jas maman 2024» mamandyqtar jármeńkesi ótedi, dep habarlaıdy Almaty-akshamy.kz.
Mamandyqty durys tańdaý túlekter men ata-ana úshin óte mańyzdy.
Osyǵan oraı jármeńkede mektep bitirýshi túlekterge arnalyp tehnıkalyq jáne gýmanıtarlyq salaǵa baǵyttaý boıynsha mamandar nasıhattaý jumystaryn júrgizedi.
İs-sharanyń maqsaty: 9-synyp túlekterin kásiptik múmkindikterdiń keń aýqymymen tanystyrý jáne olardy eńbek naryǵynda suranysqa ıe salalarǵa qyzyǵýshylyǵyn yntalandyrý, mamandyqty tańdaýda durys sheshim qabyldaýyna yqpal etý.
Bul kúni Almaty qalasynyń 30-ǵa jýyq kolej ókilderi kelip elimizge qazirgi tańda qajettiligi joǵary mamandyq túrlerimen tanystyryp, bolashaq túlekterge semınar, sheberlik saǵattaryn ótkizedi.
Ótetin orny: Orynbor kóshesi, 17, №64 mektep
Kúni men ýaqyty: 2024 jyl 23 aqpan, saǵat 10:00