Jambyl oblysy Ortalyq Azıa boıynsha ulý etin ósiretin alǵash óńir atanbaq
Italándyq «Lumacheria Italiana» kompanıasy Jambyl oblysynda bıylǵy jyly ónerkásiptik maqsatta ulýlar ósirýdi qolǵa alýdy josparlap otyr, dep habarlaıdy almaty-akshamy.kz
Oblys ákiminiń keńesshisi Dáýletqoja Mamyrovpen ótken kezdesýde kompanıa ókilderi Jambyl oblysy qolaıly klımattyq jaǵdaılarmen qamtamasyz etilgenin atap ótip, bul ónerkásiptik baǵytta ulýlardy álemdik naryqqa qaraǵanda 4 ese arzanǵa ósirýge múmkindik beretinin jetkizdi.
.gov.kz
Atalǵan joba jergilikti «Meragro» kompanıasymen birlesip iske asyrylatyn bolady. Italándyq kompanıa jobany birneshe kezeńge bólýdi usyndy. Atap aıtqanda, oblys aýmaǵynda ulýlar ósirýdi jolǵa qoıý, ınkýbator salý, olar úshin jem-shóp óndirisin bastaý jáne ulý etin óńdeıtin kásiporyn salý kezeńderin qarastyryp otyr.
- Joba boıynsha alǵashqy kezeńderde ınvestısıa kólemi 2 mln. eýrodan asady. Bastysy, kompanıa jergilikti sharýalardy oqytýǵa daıyn.
- Jalpy, kosmetologıada ulýlar shyǵaratyn qabyq pen kilegeı shyrysh qoldanylady. Al, ulý eti – bul erekshe ónim jáne ol álem elderinde úlken suranysqa ıe.
Aıta ketý kerek, «Lumacheria Italiana» kompanıasy ulýlar óndirisinde álemde kósh bastap tur.