Bul týraly densaýlyq saqtaý mınıstri Aqmaral Álnazarova málimdedi.
Qazaqstan qyzylshanyń taralýy jaǵynan álem boıynsha birinshi orynǵa shyqty, dep habarlaıdy Almaty-akshamy.kz
Qyzylshany vaksınamen toqtatýǵa bolady. Biraq búginde Qazaqstanda vaksınamen basqarylatyn ınfeksıalyq aýrýlardy epıdemıologıalyq baqylaý jaǵynan júıeli kemshilikter bar.
Ony densaýlyq mınıstri de moıyndap otyr. Osy oraıda Álnazarova ınfeksıalyq aýrýlardy boljamdaý jáne baqylaý júıesin kúsheıtý úshin birqatar sharalardy atqarý qajet dep sanaıdy.
“Naqty ýaqyt formatynda temperatýralyq rejımdi baqylaý múmkindigimen profılaktıkalyq egýler men vaksınalar qozǵalysyn esepke alýdy sıfrlandyrýdy qamtamasyz etý, densaýlyq saqtaýdyń barlyq deńgeılerinde medısına qyzmetkerlerin oqytýdy jolǵa qoıý, múddeli organdarmen jáne vedomstvolarmen birlesip basqarylatyn ınfeksıalardyń profılaktıkasynda vaksınasıalaýdyń mańyzdylyǵy týraly halyqty keńinen habardar etýdi qamtamasyz etý qajet dep sanaımyn”, - dedi Álnazarova mınıstrliktiń keńeıtilgen alqa májilisinde.
Aıta keteri, buǵan deıin Astananyń bas sanıtarlyq dárigeri Sarhat Beısenova eresekter arasynda qyzylshanyń órship turǵanyn málimdedi.