Almatylyqtarǵa úreılenbeı, syrtqa shyǵý eskertildi.
20 sáýirde Almatyda jalpyqalalyq seısmıkalyq oqý-jattyǵý ótip, saǵat 11:00-de qala boıynsha dabyl qosylady, dep habarlaıdy Almaty-akshamy.kz qalalyq Tótenshe jaǵdaılar departamentine silteme jasap.
"Seısmıkalyq oqý-jattyǵý bastalmas buryn, apattyq sómkeni daıyndańyz, qaýipsiz jerge shyǵý jolyn anyqtańyz. Qaýipsiz jer - bul elektr jelilerinen, aǵashtardan jáne ǵımarattardan alys ornalasqan ashyq aýmaq. Seısmıkalyq oqý-jattyǵý kezinde "Barshańyzdyń nazaryńyzǵa!" dabylyn estigen kezde, sabyr saqtap, ǵımarattan shyǵyńyzdar", - delingen Almaty qalasy Tótenshe jaǵdaılar departamenti habarlamasynda.
Mamandar tótenshe jaǵdaılarǵa daıyn bolý adam ómiri men densaýlyǵyn saqtaýdyń kepili ekenin atap ótti.
"Barshańyzdy seısmıkalyq oqý-jattyǵýǵa belsendi qatysýdy suraımyz!" – dedi Almaty qalasynyń Tótenshe jaǵdaılar departamenti ókilderi.