Soǵan baılanysty Almatyda 17 shildede keı kóshede qozǵalys shekteledi.
Jarysqa qatysýshylar 12 km, 8 km skandınavıalyq júris qashyqtyǵynda, sonymen qatar 500 m, 1 jáne 3 km balalar qashyqtyǵynda jarysady, dep habarlaıdy Almaty-akshamy.kz Zakon.kz-ke silteme jasap.
Júgirý jarysyna baılanysty Almaty arena muz saraıyna irgeles aýmaqtaǵy kóshelerdiń bir bóligi jabylady.
«Saǵat 18.30-dan 22.00-ge deıin arena aýmaǵynyń perımetri boıynsha kóliktiń barlyq túri úshin qozǵalys shekteledi. Rysqulov dańǵylynyń jáne Momyshuly kóshesiniń boıymen ótý joly ashyq bolady», – delingen Almaty ákimdiginiń habarlamasynda.
Qatysýshylar men jankúıerlerdi jazǵy jarystyń sporttyq ári merekelik atmosferasy kútedi. Sonymen qatar seriktesterdiń qyzyq sharalary ótetin jarnamalyq aımaqtar, balalarǵa arnalǵan anımatorlar, taǵamdar men salqyndatqysh sýsyndar usynylady.