Radıoaktıvti qaldyqtardy qaýipsiz saqtap, ony qaıta paıdalanýǵa bolatynyn Qytaı, Fransıa, Amerıka óz tájirıbelerimen dáleldep otyr.
Paıdalanylǵan ıadrolyq otynnyń erekshe qasıeti — onyń bolashaqtaǵy múmkindikteri. Shyn máninde, ol altynmen teń keletin baılyq kózi dep esepteledi.
Bizdiń elde de mysal bar: Aktaýdaǵy BN-350 reaktorynyń paıdalanylǵan otyny 20 jyldan astam ýaqyt boıy qaýipsiz saqtalýda jáne eshqandaı másele týyndaǵan joq.
Bolashaqta bul otyndy qaıta óńdep, ony jańa energıa kózi retinde qaıta paıdalanýǵa bolady.
Iadrolyq otynnyń tek 5%-y ǵana janyp, energıa beredi, qalǵan bóligi áli de paıdalanýǵa jaramdy.
Osy baǵytta álemde radıohımıalyq qaıta óńdeý tehnologıalary belsendi damýda, jáne Qazaqstan da bul úderistiń ajyramas bóligi bolýǵa umtylyp otyr.
Biz atom energetıkasyn qaýipsizdik standarttaryna saı damyta otyryp, bul salany bolashaq urpaq úshin tıimdi baılyq kózi retinde qarastyrýǵa tıispiz.