Qazaqstanda AES salý máselesi boıynsha júrgizilgen saýalnama nátıjeleri halyqtyń basym bóliginiń bul ıdeıany qoldaıtynyn kórsetti.
"Demokratıa ınstıtýty" ǴZQ QB 2024 jyldyń 13-26 qyrkúıek aralyǵynda telefon arqyly júrgizgen saýalnamaǵa 17 oblys pen respýblıkalyq mańyzy bar Astana, Almaty jáne Shymkent qalalarynan 1 200 respondent qatysty.
- Saýalnama qorytyndysy boıynsha respondentterdiń 72,9%-y Qazaqstanda atom elektr stansıasyn salý ıdeıasyn qoldaıtynyn bildirdi. Bul burynǵy saýalnamalarmen salystyrǵanda qoldaýshylar sanynyń aıtarlyqtaı óskenin kórsetedi: birinshi saýalnamaǵa qaraǵanda 19,8 paıyzdyq tarmaqqa, al ekinshisimen salystyrǵanda 12,7 paıyzdyq tarmaqqa joǵary.
- Respondentterdiń 62%-y jalpyulttyq referendýmǵa qatysýǵa nıet bildirip, azamattyq ustanymdaryn tanytty. Al 46,3%-y referendýmǵa naqty qatysýǵa daıyn ekenin málimdedi. Bul kórsetkish burynǵy saýalnamalarmen salystyrǵanda ósim kórsetip, daýys berýge nıetti respondentterdiń sany 59%-dan 62%-ǵa deıin jetkenin dáleldeıdi.
Saýalnama nátıjeleri qazaqstandyqtardyń AES salý máselesine belsendi qyzyǵýshylyq tanytyp, bul ıdeıaǵa qoldaý bildiretinin kórsetti.