Kópshilik oılaǵandaı, eger biz AES salatyn bolsaq, bul sheteldik tehnologıaǵa tolyqtaı táýeldi bolý degendi bildirmeıdi. Sebebi, álemde birde-bir memleket atom elektr stansıasyn tolyqtaı ózdiginen salǵan emes.
Bul jerde tájirıbe, tehnologıalyq baza jáne mamandardyń bolýy mańyzdy ról atqarady. Eger elde AES salý tájirıbesi bolmasa, bul baǵytta daıyndyq qajet.
AES salý kezinde mindetti túrde bas merdiger bolýy qajet. Meniń oıymsha, bul el atom ónerkásibinde kem degende 30 jyldyq tájirıbesi bar el bolýy tıis. Bul sheshim saıası emes, tek ekonomıkalyq turǵydan qarastyrylýy qajet. Bizge eń senimdi, tıimdi jáne Qazaqstanǵa qolaıly nusqany tańdaý mańyzdy.
Men elimizdiń mamandary lokalızasıa máselelerin barynsha qarastyrady dep senemin. Oǵan otyn óndirisi, qazaqstandyq kadrlardy daıarlaý, jabdyqtardy jetkizý jáne servıstik qyzmetterdi kórsetý sıaqty máseleler kiredi. Osylaısha, Qazaqstan AES-ti ózdiginen basqaryp, qyzmet kórsete alady jáne tehnologıalyq táýeldilikten saqtanady.
Atom energetıkasy bizdiń bolashaǵymyz úshin mańyzdy, sondyqtan biz bul qadamdy barynsha tıimdi túrde jasaýymyz kerek.