Atyraýda Sultan Beıbarystyń 800 jyldyǵyna arnalǵan halyqaralyq aıtys ótip jatyr.
«Erligi eren er babam» atty aıtýly dodaǵa elimizge belgili aqyndar men Qyrǵyzstan jáne Mońǵolıadan kelgen sóz zergerleri qatysady, dep habarlaıdy almaty-akshamy.kz 24.kz-ke silteme jasap.
Aıtysqa Jazýshylar Odaǵynyń Tóraǵasy Mereke Qulkenov bastaǵan ádil qazylar alqasy tórelik etedi. 14 aqynnyń ishinen oza shyqqandary erteń fınaldyq kezeńde baqtaryn synaıdy. Atyraý topyraǵynda týyp, Mysyrda handyq qurǵan Beıbarys Sultannyń 800 jyldyǵyna arnalǵan aptalyqta respýblıkalyq sýretshiler sımpozıýmy kórmesiniń de ashylýy ótedi.
Ábil Jolamanov, oblystyq mádenıet, tilderdi damytý jáne arhıv isi basqarmasynyń basshysy:
- Halyqaralyq ǵylymı-praktıkalyq konferensıa ótkizildi. Bul konferensıa negizinen "Beıbarysqa baılanysty ǵylymda paıda bolǵan jańa derekter" taqyryby. Ózderiniń oılarynda júrgen bolmasa izdenip júrgen máselelerin oıtalqyǵa salýǵa osy konferensıaǵa Egıpet elinen tórt ǵalym keldi. Reseı elinen 2 ǵalym jáne kórshilech Ózbekstan elinen jáne ózimizdiń Qazaqstandyq ǵalymdar qatysyp, jaqsy keleli keńes qurdy.