Erlan Qarın QR Memlekettik keńesshisi laýazymyna taǵaıyndaldy

Erlan Qarın Qazaqstan Respýblıkasynyń Memlekettik keńesshisi laýazymyna taǵaıyndaldy, dep habarlaıdy Almaty-akshamy.kz  Aqorda resmı saıtyna silteme jasap.
«Qazaqstan Respýblıkasy Konstıtýsıasynyń 44-babynyń 19) tarmaqshasyna sáıkes Erlan Tynymbaıuly Qarın Qazaqstan Respýblıkasynyń Memlekettik keńesshisi laýazymyna taǵaıyndalsyn», - delingen QR Prezıdentiniń Jarlyǵy mátininde. 
Erlan Qarın1976 jyly Ońtústik Qazaqstan oblysy, Saıram aýdany, Aqsý aýylynda týǵan. 
1997 jyly K. Jubanov atyndaǵy Aqtóbe memlekettik ýnıversıtetin, 
1999 jyly Ál-Farabı atyndaǵy Qazaq memlekettik ýnıversıtetin aspırantýrasyn bitirgen. Saıası ǵylymdarynyń kandıdaty. 
1997-1998 jyldary – Aqtóbe qalasynyń №33 mektebinde geografıa jáne tarıh pánderiniń muǵalimi. 
1998-2000 jyldary – Qazaqstan damý ınstıtýtynda saıası zertteýler ortalyǵynyń qyzmetkeri, Qytaı jáne Reseı ınstıtýty dırektorynyń orynbasary. 
2000-2002 jyldary – Ortalyq Azıa saıası zertteýler agenttiginiń dırektory. 
2002-2003 jyldary – Qazaqstan Respýblıkasynyń Premer-Mınıstriniń shtattan tys keńesshisi. 
2003-2004 jyldary – Respýblıkalyq «Asar» partıasy tóraǵasynyń birinshi orynbasary, zamanaýı saıasat Halyqaralyq ınstıtýtynyń bas dırektory. 2004-2006 jyldary – Antıterrorıstik baǵdarlamalar ortalyǵynyń basshysy. 
2006-2008 jyldary – Mańǵystaý oblysy ákiminiń saıası máseleler jónindegi keńesshisi. 
2008 jylǵy aqpan-qarasha – Qazaqstan Respýblıkasy Prezıdentiniń Ákimshiligi İshki saıasat bóliminiń meńgerýshisi. 
2008-2013 jyldary – «Nur Otan» HDP-nyń strategıalyq damý boıynsha hatshysy. 
2013-2014 jyldary – Vashıngton Ýnıversıtetiniń (AQSH) arnaıy shaqyrylǵan profesory. 
2014-2017 jyldary – Qazaqstan Respýblıkasy Prezıdentiniń janyndaǵy Qazaqstan strategıalyq zertteýler ınstıtýtynyń dırektory. 
2017-2019 jyldary – «Qazaqstan» respýblıkalyq teleradıokorporasıa» aksıonerlik qoǵamynyń basqarma tóraǵasy. 
2019 j. sáýir - 2020 j. shilde aralyǵynda Qazaqstan Respýblıkasy Prezıdentiniń keńesshisi. 
2020 j. shilde - 2022 j. qańtar Qazaqstan Respýblıkasy Prezıdentiniń kómekshisi. 
2022 jylǵy 5 qańtardaǵy Memleket basshysynyń Jarlyǵymen Qazaqstan Respýblıkasynyń Memlekettik hatshysy laýazymyna taǵaıyndaldy.