Baqytjan Sarıev QR Prezıdenti Keńsesiniń bastyǵy boldy

QR Prezıdenti Qasym-Jomart Toqaevtyń Jarlyǵymen Baqytjan Sarıev Qazaqstan Respýblıkasy Prezıdenti Keńsesiniń bastyǵy bolyp taǵaıyndaldy, dep habarlaıdy Almaty-akshamy.kz 
Aqorda saıtyna silteme jasap.
«Baqytjan Shómishbaıuly Sarıev Qazaqstan Respýblıkasy Prezıdenti Keńsesiniń bastyǵy bolyp taǵaıyndalsyn, ol Qazaqstan Respýblıkasy Prezıdenti Ákimshiliginiń Memlekettik qyzmet jáne kadr saıasaty bóliminiń meńgerýshisi laýazymynan bosatylsyn», - delingen Jarlyq mátininde. 
Baqytjan Sarıev 1971 jylǵy 24 jeltoqsanda Almaty qalasynda dúnıege kelgen. 
Qazaq memlekettik sáýlet-qurylys akademıasyn, Qaztutyný odaǵynyń Qaraǵandy ekonomıkalyq ýnıversıtetin bitirgen, mamandyǵy boıynsha – ınjener, zańger. 
1996-1999 jyldary Qazaqstan Respýblıkasy Premer-Mınıstri Keńsesiniń Qujattamalyq qamtamasyz etý bóliminiń mamany, aǵa mamany, referenti, aǵa referenti laýazymdarynda jumys istedi. 
1999 jylǵy mamyrdan 2019 jylǵy naýryzǵa deıin syrtqy saıasat vedomstvosy júıesinde qyzmet atqardy: 
1999-2002 jyldary – Syrtqy ister mınıstrliginiń Ákimshilik departamenti Kadr jáne baqylaý basqarmasynyń Baqylaý bóliminiń bastyǵy; 2002-2003 jyldary – Syrtqy ister mınıstrligi Apparaty Kadr basqarmasynyń bastyǵy; 
2003-2007 jyldary – Syrtqy ister mınıstrliginiń Apparat basshysy; 
2007-2019 jyldary – Syrtqy ister mınıstri Keńsesiniń basshysy; 
2016 jylǵy aqpannan 2017 jylǵy qazanǵa deıin Syrtqy ister mınıstrliginiń Ádep jónindegi ýákili mindetin qosymsha atqardy. 
2019 jylǵy naýryzda Qazaqstan Respýblıkasy Prezıdentiniń Keńsesi bastyǵynyń orynbasary laýazymyna taǵaıyndaldy. 
2019 jylǵy shildede Memleket basshysynyń Ókimimen Qazaqstan Respýblıkasy Prezıdenti Ákimshiliginiń Memlekettik qyzmet jáne kadr saıasaty bóliminiń meńgerýshisi bolyp taǵaıyndaldy.