Jeńimpazdar elge júldemen oraldy.
Erkin kúresten jasóspirimder arasyndaǵy álem chempıonatynda el qorjyny eki altyn júldemen tolyqty, dep habarlaıdy Almaty-akshamy.kz.
Daryn Áskerbek Italıanyń Rım qalasynda ótken álem chempıonatynda 55 keli salmaqta el namysyn qorǵady. Ol fınalda amerıkalyq sportshyny tize búktirip, álem chempıony atandy. Ózara beldesýde otandasymyz 11:10 esebimen jeńiske jetti. Al, ekinshi chempıonymyz - Kamıl Kýrýglıev. Senimdi oıyn kórsetken ol fınalda qarsylasyn aıqyn basymdyqpen jeńdi. Sportshylarymyzdy jankúıerleri Almaty áýejaıynda kútip aldy
«Men úshin jarys ońaı bolmady. Daıyndyq ta jaqsy boldy. Bastysy, jaraqatsyz ótti. Bul tek bastamasy. Bolashaqta halyqaralyq arenada kók týymyzdy jelbiretkimiz keledi», - deıdi Erkin kúresten jasóspirimder arasyndaǵy álem chempıony Daryn Áskerbek.
«Erkin kúres qurama komandasynyń jetistigi basqa komandalarǵa úlken ónege. Endigi maqsat - eki jyldan keıin ótetin jazǵy Olımpıada oıyndary. Soǵan bar kúshimizdi salyp, daıyndalyp jatyrmyz», - deıdi Qazaqstan grek-rım, erkin jáne áıelder kúresi federasıasynyń prezıdenti Dáýlet Turlyhanov.