Bul týraly BUU basshysy Antonıý Gýterrısh Iadrolyq qarýdy taratpaý týraly shart qatysýshylarynyń konferensıasynda málim etti, dep habarlaıdy Almaty-akshamy.kz QazAqparatqa silteme jasap.
Antonıý Gýterrıshtiń aıtýynsha, bul forým óte mańyzdy kezeńde ótip jatyr, adamzat qazir jolaıryqta tur, al jahandyq qaýipsizdikke qaýip tóndi.
«Álem klımattyń ózgerýi, teńsizdik sekildi qubylystarǵa tap boldy, shıelenister men adam quqyǵynyń buzylýy jıilep ketti. Ekonomıkalyq baqýattylyqtyń irgesin COVID-19 pandemıasy shaıqaltty. «Bul bizdiń urpaqtyń mańdaıyna jazylǵan eń úlken syn–qater. Sonymen qatar osynyń bári qyrǵı-qabaq soǵysy kezeńinen beri ıadrolyq qaýip eń joǵary deńgeıge jetken sátte bolyp otyr», - deıdi BUU basshysy.