2023 jylǵy 17 qazanda Qutqarýshylar kúni qarsańynda Astana qalasy Úrker shaǵyn aýdanynda órt sóndirýshi Asqar Serikuly Zabıkýlınniń aty berilgen kósheniń ashylýy ótti, dep habarlaıdy almaty-akshamy.kz Astana qalasy TJD baspasóz qyzmetine silteme jasap.
Memleket basshysynyń tapsyrmasy boıynsha Astana qalasy máslıhatynyń 2023 jylǵy 19 qańtardaǵy sheshimimen Astana qalasyndaǵy kóshelerdiń birine erjúrek órt sóndirýshiniń esimin máńgi este saqtaý maqsatynda Asqar Zabıkýlınniń esimi berilip, estelik taqtaısha ornatylǵan. BúginKósheniń ashylýyna Asqar Zabıkýlınniń týystary, joldasy men balalary jánet azamattyq qorǵaý organdarynyń ardagerleri, Astana qalasy TJD basshylyǵy men jeke quramy qatysty. İs-shara barysynda Asqar Zabıkýlınniń jaqyndary, TJD qyzmetkerleri men ardagerleri aǵash otyrǵyzdy.
Astana qalasy Tótenshe jaǵdaılar departamenti órt sóndirý jáne avarıalyq-qutqarý jumystary qyzmeti jedel kezekshisiniń kómekshisi Asqar Zabıkýlın órt sóndirý kezinde 3 adamnyń ómirin qutqaryp, alǵan aýyr jaraqattan 20 qarasha kúni aýrýhanada kóz jumǵan bolatyn. Onyń artynda jubaıy men eki balasy qaldy.
Qyzmettik boryshqa adaldyq, mamandyqqa degen súıispenshilik, minezdiń beriktigi men jaýaptylyǵy bul Asqar Zabıkýlınnyń boıyndaǵy qasıetter edi. Onyń batyl da batyr is-áreketteri menbeınesi máńgi jadymyzda qalady.