Astana qalasyndaǵy «Atyraý» kópirinde Tótenshe jaǵdaılar mınıstrliginiń qatardaǵy qyzmetkerlerine: qutqarýshylar, súńgýirler, kınologtar, órt sóndirýshiler, ushqyshtar, psıhologtar, medısına qyzmetkerleri, áskerı qyzmetshiler arnalǵan ámbebap fotokórme ótýde.
Fotokórme qyrkúıektiń 29-da ashylǵan bolatyn, dep habarlaıdy Almaty-akshamy.kz Tótenshe jaǵdaılar mınıstrliginiń saıtyna silteme jasap.
İs-sharaǵa Tótenshe jaǵdaılar mınıstri Syrym Sháriphanov, BI Group dırektorlar keńesiniń múshesi, basqarma tóraǵasy Asqat Omarov, kórme batyrlary, sondaı-aq azamattyq qorǵaý organdarynyń qyzmetkerleri, turǵyndar qatysty.
Syrym Sháriphanov óziniń quttyqtaý sózinde ótkizilip jatqan fotokórmeniń mańyzdylyǵyn atap ótip, ımıjdik jobanyń uıymdastyrýshylaryna alǵysyn bildirdi: «Bul joba TJM qyzmetkerleri kúndelikti oryndaıtyn qıyn jumysyn dáripteý bolyp tabylady. Bizdiń qyzmetkerlerdiń árqaısy úshin onyń batyrlyǵyna, erligine jáne eren eńbegine berilgen baǵa mańyzdy».
Kórme «BI GROUP» Qazaqstannyń iri ınovasıalyq holdıńiniń qoldaýymen «RIZAMYZ» áleýmettik jobasy aıasynda jyl saıyn atap ótiletin kásibı mereke 19 qazan - Qutqarýshylar kúni qarsańynda uıymdastyrylýda.
Jalpy kórmege kelýshilerge QR kody bar 112 portret usynylatyn bolady. Olar dúleı zilzalalar, apattar jáne basqa tótenshe jaǵdaılar kezinde adamdarǵa táýlik boıy kómekke keledi. QR kodty skanerleý arqyly fotodaǵy qutqarýshylar týraly, olardyń jasaǵan erlikteri jaıly málimetpen tanysýǵa bolady. Bul portretter - kún saıyn ózderiniń kúrdeli, biraq osyndaı mańyzdy qyzmetin atqaratyn azamattyq qorǵaý organdarynyń barlyq 29 myń qyzmetkeriniń ujymdyq beınesi.
Kórmeniń ortasynda fotosýretter arasynda QR kody bar qara taqtaısha ornalastyrylǵan. Osy QR kod arqyly rizamyz.com saıtyna ótip, óz ómirin azamattyq qorǵaý organdarynda arnap, óz mindetterin atqarý kezinde erlikpen qaza tapqan 11 qutqarýshynyń ómir tarıhymen tanysýǵa bolady.
Kórme 20 qazanǵa deıin jalǵasatyn bolady.