Qazaqstandaǵy óńirlik jýrnalısıkany damytý men áriptester arasyndaǵy baılanysty nyǵaıtý baǵytynda Bas redaktorlar klýby elimizdiń strategıalyq mańyzy zor ári respýblıkalyq arnaıy statýsy bar Almaty qalasyna resmı ókil taǵaıyndady.
Endi Almatydaǵy medıajobalardy júzege asyrýǵa belgili medıamenedjer, «Alatau Aqparat» medıaholdınginiń bas dırektory Erjan Qalymbaıuly jaýapty bolady.
Erjan Qalymbaıuly – otandyq jýrnalısıkanyń tanymal ókilderiniń biri. Ol túrik jáne aǵylshyn tilderin meńgergen, Ystambul ýnıversıtetiniń (Túrkıa) doktoranty. Eńbek jolyn Qaraǵandy oblystyq «Ortalyq Qazaqstan» gazetinde qatardaǵy tilshi bolyp bastaǵan. Keıin «Qazaqstan RTRK» AQ Qaraǵandy oblystyq fılıalynda, «Jebe» jáne «Aıqyn» respýblıkalyq gazetterinde, «Habar agenttigi» AQ, «Qazaq radiosy», «Elarna» telearnasynda túrli laýazymdarda qyzmet atqardy.
Sonymen qatar, ol halyqaralyq uıymdarda jáne memlekettik qyzmette tájirıbe jınaǵan. Buǵan qosa, «ULYS» halyqaralyq dıdjıtal jýrnaly men ulys.kz aqparattyq-saraptamalyq saıtynyń negizin qalaýshy ári bas redaktory boldy.
2023 jyldan beri Erjan Qalymbaıuly «Alatau Aqparat» medıaholdınginiń bas dırektory qyzmetin atqaryp keledi. Holdıń quramyna «Almaty Aqshamy» jáne «Vechernıı Almaty» gazetteri, sondaı-aq aqshamnews.kz, vecher.kz jáne alnews.kz saıttary kiredi.