Almaty qalasy ákiminiń orynbasary Erjan Babaqumarov QR Prezıdenti janyndaǵy Ortalyq komýnıkasıalar qyzmetiniń baspasóz konferensıasy barysynda megapolıste barlyq jaǵdaı jasalǵanyn, vaksınalaý úshin qajetti ınfraqurylym salynǵanyn habarlady. Alaıda, keıbir azamattar áli egý týraly sheshim qabyldaǵan joq dep málimdedi.
«Vaksınalaý biz úshin strategıalyq másele bolyp tabylady, oǵan qalanyń turaqty damýy táýeldi. Jappaı vaksınalaý bastalǵanǵa deıin osy jyldyń aqpan aıynda barlyq ınfraqurylym, sonyń ishinde sýyq tizbek jáne vaksınalaý pýnktteri daıyndaldy», - dedi Erjan Babaqumarov.
Almaty ákimi orynbasarynyń pikirinshe, qazir vaksınalaý úshin eń qolaıly sát, qala turǵyndarynyń kópshiligi demalystan oraldy, mektep synyptary men joǵary oqý oryndarynyń aýdıtorıalary toltyryldy. Qala tolyqqandy jumys rejımine oraldy. Tek vaksınalaý bul jaǵdaıdy saqtap, aýrýdyń órshýine jol bermeıdi.
Erjan Babaqumarov Almatyda vaksınalaýdy júrgizý úshin medısınalyq uıymdarda, mektepterde, mádenıet, sport obektilerinde, bazarlarda jáne qalanyń SOSO-da 250 egý pýnkti daıyn ekenin atap ótti. Búginde onyń ishinde 160 egý pýnkti, quramynda 1028 medısına qyzmetkeri bar 237 egý brıgadasy jumys isteıdi.
Almaty ákiminiń orynbasary aqpan aıynda vaksınalaýdyń birinshi kezeńi aıasynda medısına qyzmetkerleri, oqytýshylar men quqyq qorǵaý organdarynyń qyzmetkerleri - barlyǵy 3 myńnan astam adam vaksınalanǵanyn eske saldy.
«Sáýir aıynan bastap halyqty vaksınalaýǵa kiristik. Bastapqyda Almatynyń resmı tirkelgen 2 mln turǵynynyń 1,2 mln-ǵa jýyǵyn egý mindeti turdy. Bul vaksınalaýǵa jatatyn halyqtyń sany, medısınalyq qarsy kórsetilimderi bar adamdar, júkti áıelder men balalardy qospaǵanda», - dep eske saldy E. Babaqumarov.
Birinshi kezeńde 18 jasqa deıingi balalardy shegergende 2 mln turǵynnan 602 myń adam, júkti áıelder - 20 551, medısınalyq qarsy kórsetili bar - 173 myń adam, 1 090 103 adamdy vaksınasıalaý mindeti turdy.
Búgingi tańda KVI-ge qarsy egýdiń birinshi komponentin vaksınalaýǵa jatatyn 960 myńnan astam adam aldy, bul 77%-dy quraıdy; al ekinshi komponentti 873 myńnan astam turǵyn aldy.
«Pfizer vaksınasynyń aldaǵy túsýin eskere otyryp, vaksınalaýǵa jatatyn halyqtyń sany 1,3 mln adamdy quraıdy, onyń ishinde 12-17 jastaǵy jasóspirimder men júkti áıelder. Osylaısha, jappaı vaksınasıa júrgizilip jatqan elderdiń tájirıbesi boıynsha 300 myńdyq deńgeıdi eńserýge kúsh salamyz dep úmittenemiz, jaǵdaıdy senimdi turaqtandyrý úshin halyqtyń 90%-yn nemese odan da kóbin vaksınalaý qajet», - dedi Almaty ákiminiń orynbasary.
Erjan Babaqumarov Almatydaǵy vaksınalaýdyń qarqynyn kún saıyn baqylap otyratynyn jáne ázirge olar ıdealdan alys ekenin habarlady. Ol megapolıstiń vaksınalanbaǵan turǵyndaryn ózderiniń qaýipsizdigi, týystary men dostarynyń densaýlyǵy, shekteýlerge baılanysty jaqsy jaqqa ózgere almaıtyn ómir sapasy týraly baıypty oılaýǵa shaqyrdy.
«Ujymdyq ımýnıtet qalaǵa burynǵy ómir yrǵaǵyna oralýǵa, ádettegi ómir saltyn qalpyna keltirýge jáne barlyq shekteýlerden arylýǵa múmkindik beredi. Vaksınalaýdyń tıimdiligi týraly Almatyda koronavırýstyq ınfeksıanyń tórtinshi tolqyny uzaqtyǵy boıynsha basqa óńirlerge qaraǵanda eki ese qysqa bolǵandyǵymen aıtýǵa bolady. Osy kezeńde halyq belsendi túrde vaksınalandy, táýligine 10 myńnan astam adam ekpe aldy. Bul halyqtyń KVI-ge qarsy ımýnıtetin qalyptastyrýǵa múmkindik berdi», - dep jalǵastyrdy sózin Erjan Babaqumarov.
Vaksınalaý qarqyny týraly aıta kele, ákimniń orynbasary vaksınalanbaǵan qala turǵyndarynyń basym kópshiligi aýyryp, reanımasıada jatqanyn aıtty. Stasıonarlarǵa túskenderdiń jalpy sanynyń tek 0,03%-yn buryn KVI-ge qarsy vaksına alǵan pasıentter quraıdy. Bul fakt ýaqtyly vaksınalaýdyń tıimdiligin kórsetedi.
«Men áli vaksınalaýǵa batyly jetpegen almatylyqtardy barlyq qorqynysh pen kúmándi joıyp, taǵy da ekpe saldyrýǵa shaqyramyn. Qalanyń árbir turǵyny azamattyq jaýapkershilik pen belsendilik tanytýy tıis», - dedi Erjan Babaqumarov.