Avtobýsqa mingizerde jolaýshynyń bılette kórsetilgen aty-jóni men kýáligindegi jazbasy tekseriledi.
Budan bylaı qazaqstandyqtar avtobýspen qatynaý úshin elektrondy bılet alýǵa tıis, dep habarlaıdy Almaty-akshamy.kz
Indýstrıa jáne ınfraqurylymdy damý mınıstrligi jolaýshylar men júkti tasymaldaý erejesine osyndaı ózgeris engizdi. 4 qazanda buıryqta kórsetilgendeı, jolaýshy avtobýsqa minerde satyp alǵan elektrondy bıletin nemese jeke kýáligin kórsete alady. Aıta keterligi, kýáliktiń túp-nusqasynan bólek, sıfrlyq qujattar servısindegi elektrondy nusqasy jaramdy sanalady. Halyqaralyq jáne qalaaralyq baǵyttardaǵy avtobýstyń jolaqysy men júk aqysyn burynǵydaı avtobeketter men jolaýshyǵa qyzmet kórsetetin oryndar men aqparattyq júıe arqyly qabyldanady.