Orta medısınalyq qyzmetkerlerdi daıarlaý úshin Almaty ákimdigi kolejde oqý úshin 391 grantqa qarjy bóldi. Bul týraly QR Prezıdenti janyndaǵy Ortalyq komýnıkasıalar qyzmetiniń baspasóz konferensıasy barysynda Almaty ákiminiń orynbasary Erjan Babaqumarov aıtty, dep habarlaıdy almaty-akshamy.kz
Aǵymdaǵy jyly Almaty qalasynyń ákimi Baqytjan Saǵyntaev medısına kadrlarynyń tapshylyǵyn tómendetý boıynsha Jol kartasyn bekitti. Jol kartasynyń is-sharalary aıasynda óte tapshy dárigerlik mamandyqtar boıynsha rezıdentýrada oqý úshin 120 grantqa jergilikti búdjetten qarjy bólindi. Rezıdentterdi oqytý 1 qyrkúıekten bastaldy.
«Medısına kadrlarynyń tapshylyǵy koronavırýstyq ınfeksıany emdeýge arnalǵan jańa stasıonarlardyń – 2 modýldik stasıonar jáne Degdardaǵy Jekenova atyndaǵy GKIB-niń fılıaly 500 tósekke 10, sondaı-aq "Halyq Arena" kesheniniń jáne basqalardyń ashylýy aıasynda týyndady. Keıin, KVI 4-shi tolqyny kezinde 2 jataqhana, qonaq úı jáne t.b. bazasynda ınfeksıalyq tósek-oryndary ashyldy, ınfeksıalyq stasıonarlardaǵy jumys úshin tólemniń aıyrmashylyǵyna baılanysty MSAK uıymdarynan ınfeksıalyq stasıonarlarǵa ýaqytsha jumysqa medısına kadrlary aýystyryldy», - dedi Almaty ákiminiń orynbasary Erjan Babaqumarov.
Búginde turaqtaný qarqynyna sáıkes, KVI-di emdeýge tartylǵan kóp beıindi stasıonarlar burynǵy jumys yrǵaǵyna qaıta oraldy. Josparly emdeýge jatqyzý jalǵasýda.
2021 jylǵy 1 qyrkúıektegi jaǵdaı boıynsha qalada dárigerler tapshylyǵy 215 birlikti, orta medısınalyq personal – 400-ge jýyq shtattyq birlikti qurady.
Orta medısınalyq qyzmetkerlerdi daıarlaý úshin olardyń kolejde oqýy úshin 391 grantqa qarjy bólindi.
Sondaı-aq KVI-men kúreske tartylǵan qyzmetkerlerdi yntalandyrý boıynsha is-sharalar kózdelgen, mamandar úshin 10 páter bólindi, 300 jas maman "Almaty Jastary 3.0" turǵyn úı baǵdarlamasyna qatysa aldy.