COVID-19-dyń aldyn alý jáne onyń taralýyna jol bermeý maqsatynda Almaty mektepterinde sanıtarlyq-epıdemıaǵa qarsy is-sharalar kesheni ótkizildi. Bul týraly QR Prezıdenti janyndaǵy Ortalyq komýnıkasıalar qyzmetiniń baspasóz konferensıasynda Almaty ákiminiń orynbasary E. Babaqumarov aıtty, dep habarlaıdy almaty-akshamy.kz
Búginde Almatyda 75 (27,8%) mektep bir aýysymdyq, 194 mektep (71,8%) eki aýysymdyq, 1 mektep (0,4%) – úsh aýysymdyq rejımde jumys isteıdi (Alataý aýdany, №196 orta mektep, 722 oqýshy, oflaın + aralas formatta 655 oqýshy, onlaındyq rejımde 67 oqýshy).
Qalada 1 qyrkúıekten bastap oflaın formatta 287 265 oqýshy oqıdy, onyń ishinde KVI ınfeksıasy - 1287 jaǵdaı tirkelgen. (0,45%); onlaın rejımde 19 128 oqýshy oqıdy, onyń ishinde 1039 KVI jaǵdaıy (5,4%), barlyǵy – 2326 KVI jaǵdaıy tirkelgen. Oflaın formatta oqıtyn oqýshylar arasynda KVI juqtyrý sany onlaın rejımde oqıtyn oqýshylar arasynda juqtyrý jaǵdaıynan 12 ese tómen, óıtkeni mektepterde shekteý sharalary ornatylǵan, profılaktıkalyq jáne epıdemıaǵa qarsy is-sharalardyń saqtalýyna baqylaý júrgiziledi.
Jalpy, oqýshylar arasynda KVI dertin juqtyrýdyń tómendeýi baıqalady, eger tamyz-qyrkúıek aılarynda táýligine KVI juqtyrýdyń 100-den astam jaǵdaıy tirkelse, qazirgi ýaqytta KVI 38-46 jaǵdaıǵa deıin tómendedi.
COVID-19-dyń aldyn alý jáne onyń taralýyna jol bermeý maqsatynda mektepterde mynadaı sanıtarlyq-epıdemıologıalyq is-sharalar júrgizildi:
• bastaýysh, orta jáne joǵary synyptarǵa arnalǵan ǵımarattarǵa jeke kirý esikteri bólingen;
• áleýmettik qashyqtyq belgileri jańartyldy, mektep kireberisinde qyzmetkerler men ózge de kelýshilerdi tirkeý úshin "Ashyq" qosymshasynyń QR-kodtary bar (100%);
• zerthanalyq, praktıkalyq sabaqtardy qospaǵanda, kabınettik oqytý júıesi joıyldy;
• mektepter jýý jáne dezınfeksıalaý quraldarymen, sanıtaızerlermen qamtamasyz etilgen, jalpy paıdalaný oryndarynda (asqanalar, dálizder, sport zaldary)aýany zararsyzdandyrýǵa arnalǵan resırkýlátorlar ornatylady;
• ár aýysym aldynda oqýshylar men qyzmetkerlerdiń kúndelikti súzgisin ótkizý uıymdastyrylǵan;
• mektep qyzmetkerlerine tolyq ekpe jasaldy
«Epıdemıaǵa qarsy is-sharalardyń saqtalýyna turaqty baqylaý júrgizý úshin mektepterde bilim basqarmasynyń ókilderimen birlesip monıtorıń toby jumys isteıdi. Monıtorıńtik top 21 mektepti tekserdi, Áýezov, Alataý jáne Bostandyq aýdandarynyń 5 mektebinde shekteý is-sharalarynyń buzylýy anyqtaldy, buzýshylyqtardy joıý boıynsha usynystar berildi, osy baǵyttaǵy jumystar jalǵasýda», - dedi Almaty ákiminiń orynbasary.
Erjan Babaqumarov sondaı-aq qalada vaksınalaýǵa jatatyn muǵalimderdiń 100% egilgenin atap ótti.
Almaty ákimi orynbasarynyń aıtýynsha, joǵary oqý oryndarynda da osyndaı jumystar júrgizilýde. Qalada barlyǵy 37 JOO jumys isteıdi. 2021 jylǵy 1-6 qyrkúıek aralyǵynda Almatyda onlaın oqytý rejıminde JOO stýdentteri arasynda KVI-diń 149 jaǵdaıy tirkeldi.
Vaksınamen oqytýshylardy qamtý jalpy sanynan 80% (17 496 adam), stýdentterdi 50% (92 433 stýdent) quraıdy. Jumys jalǵasýda.
Joǵary jáne arnaýly orta oqý oryndarynyń jataqhanalary men oqý korpýstarynda Ashyq júıesi jáne termometrıa arqyly kirý júzege asqan, dezınfeksıalyq rejım kúsheıtilgen, sanıtaızerler men resırkýlátorlar buryn ornatylǵan, medısınalyq baqylaý kúsheıtildi.